Ինքնօգնություն - Երկրորդային հիպերտենզիա

Առողջ ապրելակերպի փոփոխությունները խորհուրդ են տրվում սիրտը առողջ պահելու և արյան ճնշումը ցածր պահելու համար:

Դրանք ներառում են հետևյալը:

• Առողջ սնունդ ուտելը. փորձեք հիպերտենզիայի դադարեցման սննդակարգային մոտեցումները (ՀԴՍՄ, անգլերեն՝ DASH), որը շեշտը դնում է մրգերի, բանջարեղենի, ամբողջահատիկ ձավարեղենի և ցածր յուղայնությամբ կաթնամթերքի վրա: Ստացեք շատ կալիում, որը պարունակվում է մրգերի և բանջարեղենի մեջ, ինչպիսիք են կարտոֆիլը, սպանախը, բանանը և ծիրանը, ինչը կօգնի կանխարգելել և վերահսկել արյան բարձր ճնշումը: Կերեք ավելի քիչ հագեցած ճարպեր և ընդհանուր ճարպեր:
• Սննդակարգում աղի կրճատում. նատրիումի ավելի քիչ ընդունումը՝ օրական 1500 միլիգրամ (մգ), հարմար է 51 տարեկան և ավելի բարձր տարիքի մարդկանց և ցանկացած տարիքի մարդկանց համար, ովքեր սևամորթ են կամ ունեն հիպերտենզիա, դիաբետ կամ քրոնիկ երիկամային հիվանդություն: Հակառակ դեպքում առողջ մարդիկ կարող են նպատակ դնել ստանալ օրական 2300 մգ կամ ավելի քիչ նատրիում: Աղը նվազեցնելու համար հարկավոր է ձեռքը չվերցնել աղամանը և ուշադրություն դարձնել վերամշակված մթերքների աղի քանակին, ինչպիսիք են պահածոյացված ապուրները կամ սառեցված ընթրիքները:
• Առողջ քաշի պահպանում. եթե ​​ավելորդ քաշ ունեք, նույնիսկ 4,5 կիլոգրամ (10 ֆունտ ) կորցնելը կարող է նվազեցնել ձեր արյան ճնշումը:
• Ֆիզիկական ակտիվության բարձրացում. կանոնավոր ֆիզիկական վարժանքները կարող է օգնել արյան ճնշման նվազեցմանը և քաշը վերահսկողության տակ պահպանմանը: Ձգտեք օրական առնվազն 30 րոպե ֆիզիկապես ակտիվ լինել:
• Ալկոհոլի սահմանափակում. նույնիսկ եթե առողջ եք, ալկոհոլը կարող է բարձրացնել ձեր արյան ճնշումը: Եթե ​​շարունակում եք ալկոհոլ օգտագործել, դա արեք չափավոր: Առողջ չափահասների համար դա նշանակում է օրական մինչև մեկ չափաբաժին՝ կանանց համար և օրական երկու չափաբաժին՝ տղամարդկանց համար:
• Չծխելը. ծխախոտը վնասում է արյունատար անոթների պատերը և արագացնում զարկերակների կարծրացման գործընթացը։ Եթե ​​ծխում եք, խնդրեք ձեր բժշկին, որ օգնի ձեզ ծխելը թողնելու որոշման գործնական քայլերին:
• Սթրեսի կառավարում. вրքան հնարավոր է նվազեցրեք սթրեսը: Կիրառեք սթրեսի առողջ հաղթահարման մեթոդներ, ինչպիսիք են մկանների թուլացումը և խորը շնչառությունը: Շատ քնելը նույնպես կարող է օգնել: