Ինքնօգնություն - Ցնցումներ

Ահա մի քանի քայլեր, որոնք կարող եք ձեռնարկել՝ օգնելու ցնցումների վերահսկմանը:

• Ճիշտ ընդունեք դեղը. մի՛ փոփոխեք դեղաչափը ձեր բժշկի հետ խոսելուց առաջ: Եթե կարծում եք, որ ձեր դեղը պետք է փոխվի, քննարկեք այն ձեր բժշկի հետ:
• Բավականաչափ քնեք. քնի պակասը կարող է առաջացնել ցնցումներ: Համոզվեք, որ ամեն գիշեր բավականաչափ հանգստանում եք:
• Հագեք բժշկական զգուշացման ապարանջան. սա կօգնի շտապ օգնության անձնակազմին իմանալ, թե ինչպես ճիշտ վարվել ձեզ հետ, եթե ունենաք մեկ այլ ցնցում:
• Եղեք ակտիվ. վարժանքները և ակտիվ լինելը կարող են օգնել ձեզ ֆիզիկապես առողջ պահել և նվազեցնել դեպրեսիան: Համոզվեք, որ բավականաչափ ջուր խմեք և հանգստացեք, եթե մարզվելիս հոգնած եք:
• Կատարեք առողջ կյանքի ընտրություն. սթրեսի կառավարումը, ալկոհոլի սահմանափակումը և չծխելը՝ այս բոլորը համարվում են առողջ ապրելակերպի գործոններ:

Անձնական անվտանգություն

Ցնցումները սովորաբար լուրջ վնասվածքների չեն հանգեցնում, սակայն եթե կրկնվող ցնցումներ ունեք, հնարավոր է, որ վնասվածք ստանաք: Այս քայլերը կարող են օգնել ձեզ խուսափելու ցնցումների ժամանակ վնասվածքներից:

• Զգույշ եղեք ջրի մոտ. մի՛ լողացեք միայնակ կամ առանց որևէ մեկի նավակ մի՛ նստեք:
• Հագեք սաղավարտ՝ պաշտպանվելու այնպիսի գործողությունների ժամանակ, ինչպիսիք են հեծանիվ վարելը կամ մարձական զբաղմուքները:
• Լոգանքի փոխարեն ցնցուղ ընդունեք, եթե ձեր կողքին որևէ մեկը չկա:
• Ձևափոխեք ձեր կահավորանքը. փակեք սուր անկյունները, գնեք կլորացված եզրերով կահույք և ընտրեք աթոռներ, որոնք ունեն թևեր, որ թույլ չտան, որ ընկնեք դրանցից: Մտածեք խիտ ծածկով գորգ՝ ձեզ պաշտպանելու համար, եթե ընկնեք:
• Ցուցադրեք ցնցումների առաջին օգնության խորհուրդները մի վայրում, որտեղ մարդիկ կարող են հեշտությամբ տեսնել դրանք: Ներառեք ցանկացած կարևոր հեռախոսահամար:

Ցնցումների առաջաին օգնությունը

Օգտակար է իմանալ, թե ինչ անել, եթե ականատես լինեք, որ ինչ-որ մեկը ցնցումներ ունի: Եթե դուք ապագայում ցնցումների վտանգի տակ եք, այս տեղեկատվությունը փոխանցեք ձեր ընտանիքին, ընկերներին և գործընկերներին, որ նրանք իմանան, թե ինչ անել, եթե ցնցումներ ունենաք:

Ցնցման ժամանակ ինչ-որ մեկին օգնելու համար կատարեք հետևյալ քայլերը՝

• զգուշորեն գլորեք մարդուն մի կողմի վրա
• փափուկ բան դրեք մարդու գլխի տակ
• թուլացրեք կիպ վզնոցը
• մի՛ դրեք ձեր մատները կամ այլ առարկաներ մարդու բերանում
• մի՛ փորձեք զսպել ցնցում ունեցող մեկին
• հեռացրեք վտանգավոր առարկաները, եթե մարդը շարժվում է
• մնացեք անձի հետ մինչև շտապ օգնության ժամանումը
• ուշադիր հետևեք մարդուն, որ կարողանաք մանրամասներ հաղորդել տեղի ունեցածի մասին
• նշեք ցնցման տևողությունը
• հանգիստ մնացեք: