Գրադարան
Ցնցումային նոպա
1 րոպե
Ցնցումը գլխուղեղում էլեկտրական ակտիվության հանկարծակի, անվերահսկելի պոռթկում է:
Այն կարող է առաջացնել վարքի, շարժումների, զգացմունքների և գիտակցության մակարդակի փոփոխություններ: Առնվազն 24 ժամվա տարբերությամբ երկու կամ ավելի ցնցում ունենալը, որոնք հայտնի պատճառ չունեն, համարվում է էպիլեպսիա:
Կան ցնցումների բազմաթիվ տեսակներ, և դրանք ունեն մի շարք ախտանիշներ և ծանրության աստիճաններ: Ցնցումների տեսակները տարբերվում են՝ կախված նրանից, թե գլխուղեղի որ շրջանում են դրանք սկսվում և որքան հեռու են տարածվում: Ցնցումների մեծ մասը տևում է 30 վայրկյանից մինչև երկու րոպե: Հինգ րոպեից ավելի տևող ցնցումն անհետաձգելի բուժօգնություն պահանջող վիճակ է:
Ցնցումները կարող են առաջանալ ինսուլտից կամ գլխի վնասվածքից հետո: Դրանք կարող են առաջանալ նաև վարակի, ինչպիսին է մենինգիտը կամ այլ հիվանդության պատճառով: Շատ անգամ, սակայն, պատճառը անհայտ է։
Ցնցումային խանգարումների մեծ մասը կարելի է վերահսկել դեղամիջոցներով: Այնուամենայնիվ, ցնցումների կառավարումը կարող է ազդել ձեր առօրյա կյանքի վրա: Դուք կարող եք աշխատել ձեր բժշկի հետ՝ հավասարակշռելու ցնցումների վերահսկումը և դեղամիջոցի կողմնակի ազդեցությունները:
Հոդվածը տեղադրվել է՝ 03-05-2018 վերանայվել է՝ 09-07-2023 | Հիմնական աղբյուր՝ Evidence-Based Overviews
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
