Բակտերիալ դիզենտերիա (շիգելա). բարդություններ

Բակտերիալ դիզենտերիա (շիգելա). բարդություններ

Դիզենտերիայի ընթացքը կարող են ծանրացնել մի շարք բարդություններ, որոնք չբուժվելու դեպքում կարող են դառնալ կյանքին սպառնացող:

Սովորաբար բարդությունների զարգացումն ավելի հավանական է մանկահասակ երեխաների, մեծ տարիքով մարդկանց, ուղեկցող քրոնիկ հիվանդություններով կամ իմունային համակարգի թուլությամբ մարդկանց մոտ:

Դիզենտերիայի բարդություններից խուսափելու լավագույն ուղին հիվանդության ախտանիշներից որևէ մեկի առկայության դեպքում բժշկին շուտ դիմելն է, վաղ ախտորոշումը և համակարժեք բուժումը:

Ջրազրկում

Դիզենտերիայի ժամանակ շարունակվող և ջրառատ լուծը կարող է բերել ծանր ջրազրկման՝ օրգանիզմում ջրի ընդհանուր քանակի դեֆիցիտի, որի նշաններից են՝

  • ուժող ծարավ
  • բերանի խոռոչի չորացում
  • գլխացավեր
  • գլխապտույտ
  • ընդհանուր անհանգստություն
  • ախորժակի կորուստ (անորեքսիա)
  • աչքերի փայլի անհետացում
  • մաշկի չորացում և էլաստիկության անկում
  • անբացատրելի հոգնածություն
  • ծանր դեպքերում՝ մեզի ծավալի նվազում, մանուշակագույն եղունգներ (ծայրամասային ցիանոզ) և ցնցումներ։

Ծանր ջրազրկումը կարող է բերել շոկի և մահվան:

Ցնցումներ

Որոշ երեխաների մոտ դիզենտերիան ընթանում է բարձր ջերմությամբ կամ տենդով, որի ժամանակ կարող են սկսվել կմախքային մկանների տարածուն կծկանքներ:

Դեռևս հայտնի չէ, թե նման ցնցումային նոպաները զարգանում են բուն դիզենտերիայի՞, թե՞ տենդի պատճառով:

Եթե ձեր մանկահասակ երեխայի մոտ ի հայտ են գալիս ցնցումեր, անհապաղ կապ հաստատեք բժշկի կամ մանկաբույժի հետ և զանգեք 1-03 և կանչեք շտապբուժօգնություն:

Ուղիղ աղու արտանկում (իջեցում)

Այս բարդությունն ի հայտ է գալիս, երբ հաստ աղիների գերլարված գործունեության պատճառով ուղիղ աղու լորձաթաղանթը հետանցից արտանկում է դուրս:

Հեմոլիտիկ-ուրեմիկ համախտանիշ

Հեմոլիտիկ-ուրեմիկ համախտանիշը դիզենտերիայի ժամանակ ավելի հազվադեպ հանդիպող բարդություն է, քան աղիքային ցուպիկով (E. coli) հարուցված էշերիխիոզի ժամանակ:

Հեմոլիտիկ-ուրեմիկ համախտանիշի նշաններից են՝

Տոքսիկ մեգակոլոն

Տոքսիկ մեգակոլոնը հազվադեպ հանդիպող բարդություն է, երբ հաստ աղին պարալիզվում է՝ չկարողանալով իրականացնել լուսանցքով աղիքային պարունակության կամ գազերի տեղափոխումը դեպի ստորին հարկեր:

Տոքսիկ մեգակոլոնի նշաններից են՝

Բուժման բացակայությունը կարող է բերել հաստ աղու պատրվածքի և ծանր պերիտոնիտի՝ կյանքին սպառնացող որովայնամզի վարակային բորբոքում, որը պահանջում է անհետաձգելի վիրահատական միջամտություն:

Ռեակտիվ արթրիտ (հոդաբորբ)

Ռեակտիվ արթրիտը կամ Ռեյտերի համախտանիշը զարգանում է որպես վարակի նկատմամբ օրգանիզմի իմունային պատասխան:

Արթրիտի նշաններից են՝

Հոդվածը վերանայվել է՝ 20-02-2021