Գրադարան

Մանգաղաբջջային անեմիա. ինքնօգնություն

Մանգաղաբջջային անեմիա. ինքնօգնություն

Time Read 1 րոպե

Առողջությանն օգտակար այս քայլերը կարող են օգնել ձեզ, որ խուսափեք մանգաղաբջջային անեմիայի բարդություններից:

  • Ամեն օր ընդունեք ֆոլաթթվի հավելումներ և ընտրեք առողջ սննդակարգ. ոսկրածուծին անհրաժեշտ են ֆոլաթթու և այլ վիտամիններ՝ արյան նոր կարմիր բջիջներ (էրիթրոցիտներ) ստեղծելու համար: Հարցրեք ձեր բժշկին ֆոլաթթվի հավելումների և այլ վիտամինների ու դրանց դեղաչափերի մասին: Կերեք տարբեր գույնի մրգեր և բանջարեղեն, ինչպես նաև ամբողջահատիկ ձավարեղեն:
  • Խմեք շատ ջուր․ ջրազրկումը կարող է մեծացնել մանգաղաբջջային ցավային նոպաների ռիսկը: Խմեք ջուր ամբողջ օրվա ընթացքում՝ նպատակ դնելով խմել օրական մոտ ութ բաժակ: Ավելացրեք ձեր ընդունած ջրի քանակը, եթե մարզվում եք կամ ժամանակ եք անցկացնում տաք, չոր եղանակային պայմաններում:
  • Խուսափեք կտրուկ ջերմաստիճանային վիճակներից․ ծայրահեղ շոգին կամ ցրտին ենթարկվելը կարող է մեծացնել մանգաղաբջջային ցավի նոպայի առաջացման ռիսկը:
  • Մնացեք ֆիզիկապես ակտիվ, բայց մի՛ չարաշահեք վարժանքները․ հարցրեք ձեր բժշկին, թե ինչ ծանրաբեռնվածությամբ և ինչ տեսակի վարժանքներ են ձեզ անհրաժեշտ:
  • Զգուշությամբ օգտագործեք դեղորայքը․ զգուշությամբ և խնայողաբար օգտագործեք ցավազրկող դեղամիջոցները, ինչպիսիք են Իբուպրոֆենը (Ադվիլ, Մոտրին և այլն) կամ Նապրոքսեն նատրիումը (Ալեվե)՝ երիկամների վրա հնարավոր վնասակար ազդեցության պատճառով: Հարցրեք ձեր բժշկին՝ նախքան որևէ դեղամիջոց ընդունելը, նույնիսկ եթե դրանք կարող եք ձեռք բերել առանց դեղատոմսի:
  • Մի՛ ծխեք. ծխելը մեծացնում է ցավային նոպաների առաջացման ռիսկը:
Բուժում      

Հոդվածը տեղադրվել է՝ 16-01-2024 վերանայվել է՝ 16-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով