Շյոգրենի համախտանիշի ամենատարածված բարդությունները կապված են աչքերի և բերանի խոռոչի հետ:
- Ատամների խոռոչներ. թուքը պաշտպանում է ատամները կարիես առաջացնող բակտերիաներից, ուստի, դուք ավելի հակված եք կարիեսի զարգացմանը, եթե ձեր բերանը մշտապես չոր է:
- Խմորասնկիկային վարակներ. Շյոգրենի համախտանիշ ունեցող մարդկանց մոտ շատ ավելի հավանական է բերանի խոռոչի կանդիդոզի՝ կաթնախտի զարգացումը, որը բերանի խոռոչի խմորասնկիկային վարակ է:
- Տեսողության խնդիրներ. մշտապես չոր աչքերը կարող են հանգեցնել լույսի նկատմամբ գերզգայունության, մշուշոտ տեսողության և եղջերաթաղանթի վնասման:
Շյոգրենի համախտանիշի ավելի քիչ տարածված բարդությունները ներառում են հետևյալ օրգանները:
- Թոքեր, երիկամներ կամ լյարդ. բորբոքումը կարող է առաջացնել թոքաբորբ (պնևմոնիա), բրոնխիտ կամ թոքային այլ խնդիրներ, հանգեցնել երիկամների գործունեության հետ կապված խնդիրների և առաջացնել հեպատիտ կամ լյարդի ցիռոզ:
- Ավշային հանգույցներ. Շյոգրենի համախտանիշով մարդկանց մի փոքր տոկոսի մոտ կարող է զարգանալ ավշային հանգույցների քաղցկեղ (լիմֆոմա):
- Նյարդեր. ձեր ձեռքերում (դաստակներում) և ոտնաթաթերում կարող են զարգանալ թմրածություն, ծակծկոցներ և այրոց (ծայրամասային կամ պերիֆերիկ նեյրոպաթիա):
Հոդվածը հրապարակվել է՝ 26-07-2023
Վերջին վերանայում՝ 22-04-2024