Գրադարան

Շյոգրենի համախտանիշ. ինքնօգնություն

Շյոգրենի համախտանիշ. ինքնօգնություն

Time Read 2 րոպե

Շյոգրենի համախտանիշի բազմաթիվ ախտանիշներ բավականին լավ են արձագանքում տնային միջոցներին:

Աչքերի չորությունը թեթևացնելու համար հետևեք այս խորհուրդներին:

  • Օգտագործեք արհեստական արցունք, աչքի քսանյութ (լուբրիկանտ) կամ երկուսն էլ. արհեստական արցունքները՝ կաթիլների տեսքով, և աչքի քսանյութերը՝ կաթիլների, գելի կամ յուղի տեսքով, օգնում են չոր աչքերի պատճառած անհարմարավետության մեղմացմանը: Պետք չէ աչքերի քսանյութերը կիրառել այնքան հաճախ, որքան արհեստական արցունքները: Ունենալով ավելի խիտ կազմություն, աչքի քսանյութերը կարող են մշուշոտել ձեր տեսողությունը և կուտակվել թարթիչների վրա: Ուստի, դրանք կարող եք օգտագործել միայն մեկ անգամ՝ գիշերային քնից առաջ: Ձեր բժիշկը կարող է խորհուրդ տալ, որ օգտագործեք առանց կոնսերվանտների արհեստական արցունքներ, քանի որ դրանք կարող են գրգռել չոր աչքի համախտանիշ ունեցող մարդկանց աչքերը:
  • Բարձրացրեք տան խոնավությունը. ներսի խոնավության բարձրացումը և փչող օդի ազդեցության նվազեցումը կարող են օգնել, որ ձեր աչքերը և բերանը խիստ չչորանան: Օրինակ, խուսափեք օդափոխիչի կամ օդորակիչի առաջ նստելուց և դրսում կրեք պաշտպանիչ ակնոց:

Բերանի խոռոչի չորության դեպքում օգտակար կարող են լինել հետևյալ խորհուրդները:

  • Մի' ծխեք. ծխելն ինքնին կարող է գրգռել և չորացնել ձեր բերանի խոռոչի լորձաթաղանթը։
  • Ավելի շատ հեղուկներ խմեք. օրվա ընթացքում խմեք շատ հեղուկներ, հատկապես՝ ջուր: Խուսափեք սուրճից կամ ալկոհոլից, քանի որ դրանք կարող են վատթարացնել բերանի չորության ախտանիշները: Խուսափեք նաև թթվային ըմպելիքներից, ինչպիսիք են կոլան և որոշ սպորտային ըմպելիքները, քանի որ թթուն կարող է վնասել ձեր ատամների էմալը:
  • Խթանեք թքի հոսքը. առանց շաքարի մաստակը կամ ցիտրուսային համով կոշտ կոնֆետները կարող են խթանել թքի արտահոսքը: Շյոգրենի համախտանիշը մեծացնում է ատամների կարիեսի ռիսկը, ուստի արժե սահմանափակել քաղցրավենիքը, հատկապես՝ կերակուրների միջև ընկած ժամանակահատվածում:
  • Փորձեք արհեստական թուք. թքին փոխարինող արտադրանքները հաճախ ավելի լավ են օգնում, քան սովորական ջուրը, քանի որ պարունակում են քսանյութ, որն օգնում է, որ բերանի խոռոչն ավելի երկար խոնավ մնալ: Այս ապրանքներն արտադրվում են որպես սփրեյ կամ լոզերգան:
  • Օգտագործեք քթային աղային սփրեյ. քթային աղային սփրեյը կարող է օգնել քթային անցուղիների խոնավացմանը և մաքրվելուն, որ կարողանաք քթով ավելի ազատ շնչել: Չոր, խցանված քիթը կարող է մեծացնել բերանով շնչելը, հետևաբար՝ նպաստել բերանի չորությանը:

Բերանի խոռոչի առողջություն

Բերանի մշտական չորությունը մեծացնում է ատամի կարիեսի և ատամների կորստի ռիսկը: Այս տեսակի խնդիրներից խուսափելու համար՝

  • ամեն անգամ ուտելուց հետո խոզանակեք ձեր ատամները և օգտագործեք ատամնաթել
  • նախատեսեք կանոնավոր այցեր ձեր ատամնաբույժին (առնվազն` վեց ամիսը մեկ)
  • օգտագործեք ամենօրյա տեղային ֆտորային բուժում և հակամանրէային լուծույթներով բերանի խոռոչի ողողումներ:

Չորության այլ շրջաններ

Եթե չոր մաշկը դարձել է խնդիր, խուսափեք տաք ջրից, երբ լողանում կամ ցնցուղ եք ընդունում: Մաշկը մի տրորեք սրբիչով և օգտագործեք խոնավացնող միջոց, երբ մաշկը դեռ խոնավ է: Օգտագործեք ռետինե ձեռնոցներ սպասք լվանաիս կամ տնային մաքրություն անելիս: Հեշտոցային խոնավացնող միջոցներն ու քսուքները կարող են օգնել այն կանանց, ովքեր ունեն հեշտոցային չորություն:

Բուժում      

Հոդվածը տեղադրվել է՝ 26-07-2023 վերանայվել է՝ 07-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով