Նկարագիր - Մաշկի քաղցկեղ

Մաշկի քաղցկեղը քաղցկեղի տեսակ, որն առաջանում է մաշկի փոփոխված բջիջների անկառավարելի և անվերջ բաժանումից:

Ընդհանուր առմամբ, մաշկի քաղցկեղն ամենահաճախ հանդիպող քաղցկեղի տեսակն է: Մաշկի քաղցկեղն ավելի հաճախ հանդիպում է այն աշխարհագրական տարածաշրջաններում, որտեղ առկա է արևի ուլտրամանուշակագույն (ՈւՄ) ճառագայթման բարձր չափաքանակ և ազդեցություն (օրինակ՝ մերձարևադարձ և արևադարձ):

Մաշկի քաղցկեղացած բջիջներն անկառավարելի կերպով բազմանալով, մաշկի վրա ձևավորում են մի զանգված՝ ուռուցք: Այդ բջիջները կարող են ախտահարել և ներաճել հարակից հյուսվածքներ կամ արյան կամ ավշի միջոցով տարածվել մարմնի այլ շրջաններ և օրգաններ՝ առաջացնելով մետաստազներ:

Ըստ քաղցկեղացած բջիջների տեսակի տարբերում են մաշկի քաղցկեղները բաժանվում են մելանոմաների և ոչ մելանոմային մաշկային քաղցկեղների (բազալ բջջային և տափակ բջջային կարցինոմաներ):

Մաշկի քաղցկեղների վաղ հայտնաբերման և ախտորոշման դեպքում սովորաբար բավարար է լինում միայն վիրաբուժական միջամտությունը: