Ախտանիշներ - Քնի սարսափ

Քնած ժամանակ կամ գիշերային սարսափները տարբերվում են գիշերային մղձավանջներից:

Երազում մղձավանջ տեսնողն արթնանում է քնից և կարող է հիշել մանրամասները, բայց այն մարդը, ով ունի քնի սարսափի դրվագ, մնում է քնած: Երեխաները սովորաբար առավոտյան ոչինչ չեն հիշում իրենց գիշերային սարսափների մասին: Չափահասները կարող են հիշել երազի մի դրվագ, որը նրանք տեսել են քնի սարսափի ընթացքում:

Քնի սարսափները սովորաբար տեղի են ունենում գիշերվա առաջին երրորդից մինչև առաջին կեսը և հազվադեպ՝ ննջելիս: Քնի սարսափը կարող է հանգեցնել լուսնոտության:

Քնի սարսափների դրվագի ժամանակ մարդը կարող է՝

• սկսել սարսափելի ճիչով կամ բղավոցով
• նստել անկողնում և սարսափած տեսք ունենալ
• ակնդետ նայել լայն բացած աչքերով
• քրտնել, ծանր շնչել և ունենալ արագ անոթազարկ (պուլս), կարմրած դեմք և լայնացած բբեր
• հարվածել ոտքերով («քացի տալ») կամ ձեռքերով
• դժվարությամբ արթնանալ, և շփոթված լինել, եթե արթնացնավ
• լինել անելանելի կամ այլայլված վիճակում
• հաջորդ առավոտյան ոչ մի բան չհիշել կամ քիչ հիշել գիշերը կատարվածի մասին
• հնարավոր է, որ դուրս գա անկողնուց և վազի տան մեջ կամ ագրեսիվ պահվածք դրսևորի, երբ նրան պահեն կամ շարժումները սահմանափակեն:

Ե՞րբ դիմել բժշկին

Հազվադեպ առաջացող քնի սարսափները սովորաբար անհանգստության պատճառ չեն հանդիսանում: Եթե ձեր երեխան գիշերային սարսափներ ունի, կարող եք պարզապես այդ մասին տեղեկացնել առողջ երեխայի սովորական քննության ժամանակ: Այնուամենայնիվ, խորհրդակցեք ձեր բժշկի հետ, եթե քնած ժամանակ սարսափները՝

• դարձել են ավելի հաճախակի
• պարբերաբար խանգարում են տվյալ անձի կամ ընտանիքի այլ անդամների քունը
• հանգեցնում են անվտանգության խնդիրների կամ վնասվածքի
• բերում են ցերեկային ժամերի ավելորդ քնկոտության կամ աշխատանքի ու գործունեության հետ կապված խնդիրների
• շարունակվում են դեռահասությունից հետո կամ սկսվում են չափահաս տարիքում: