Նկարագիր - Սոցիալական ֆոբիա

Որոշ սոցիալական իրավիճակներում նյարդային կամ դյուրագրգիռ դառնալը սովորական, նորմալ ռեակցիա է:

Օրինակ, ժամադրության գնալը կամ շնորհանդես (պրեզենտացիա) անելը կարող է առաջացնել ձեր ստամոքսում թիթեռնիկի նմանվող զգացողություն: Սակայն, սոցիալական անհանգստության խանգարման դեպքում, որը նաև կոչվում է սոցիալական ֆոբիա, առօրյա շփումներն առաջացնում են արտահայտված անհանգստություն ու տագնապ, ամաչկոտություն և շփոթվածություն, քանի որ վախենում եք ուրիշների կողմից համակ ուշադրության կամ բացասական գնահատականի արժանանալուց:

Սոցիալական անհանգստության խանգարման դեպքում վախն ու անհանգստությունը հանգեցնում են սովորական իրավաճակներից խուսափման, որը կարող է խաթարել ձեր կյանքը: Ուժեղ սթրեսը կարող է բացասաբար ազդել ձեր փոխհարաբերությունների, առօրյայի, աշխատանքի, ուսման կամ այլ գործերի վրա:

Սոցիալական տագնապային խանգարումը կարող է լինել հոգեկան առողջության քրոնիկ խնդիր, սակայն հոգեթերապիայի միջոցով հաղթահարման հմտություններ սովորելը և դեղորայք ընդունելը կարող են օգնել ձեզ, որ վստահություն ձեռք բերեք և բարելավեք այլ մարդկանց հետ շփվելու ձեր ունակությունը: