Որևէ միջոց չկա կանխատեսելու, թե ինչը կարող է որևէ մեկի մոտ տագնապային խանգարման առաջացման պատճառ դառնալ, սակայն դուք կարող եք քայլեր ձեռնարկել՝ նվազեցնելու ախտանիշների ազդեցությունը, եթե տագնապած եք:
- Ստացեք վաղ օգնություն. անհանգստությունն ու տագնապը, ինչպես հոգեկան առողջության շատ այլ վիճակներ, կարող է ավելի դժվար լինել բուժել, եթե սպասեք և համապատասխան օգնության չդիմեք:
- Պահեք օրագիր. ձեր անձնական կյանքին հետևելը կարող է օգնել ձեզ և ձեր հոգեկան առողջության մասնագետին պարզելու, թե ինչն է ձեզ մոտ սթրես առաջացնում և ինչն է օգնում, որ ձեզ ավելի լավ զգաք:
- Սահմանեք ձեր կյանքում առաջնահերթություններ. դուք կարող եք նվազեցնել անհանգստությունը՝ պատշաճ կառավարելով ձեր ժամանակը և էներգիան: Համոզվեք, որ բավարար ժամանակ եք տրամադրում ձեզ դուր եկած բաների վրա:
- Խուսափեք վնասակար նյութերի օգտագործումից. ալկոհոլի և թմրամիջոցների, նույնիսկ կոֆեինի կամ նիկոտինի օգտագործումը կարող են առաջացնել կամ վատթարացնել ձեր անհանգստությունը: Եթե կախվածություն ունեք այս նյութերից որևէ մեկից, դրանցից հրաժարվելը կարող է լրացուցիչ անհանգստության պատճառ դառնալ: Եթե չեք կարող ինքնուրույն դադարեցնել այս նյութերի օգտագործումը, դիմեք ձեր բժշկին կամ գտեք բուժման ծրագիր կամ աջակցության խումբ, որը կօգնի ձեզ:
Հոդվածը հրապարակվել է՝ 18-07-2023
Վերջին վերանայում՝ 22-04-2024