Skip to main content

Ախտորոշում - Սոցիալական ֆոբիա

Ձեր բժիշկը կցանկանա որոշել, թե արդյոք այլ առողջական խնդիրներ կամ վիճակներ կարող են ձեր անհանգստության պատճառ լինել և արդյոք դուք ունեք սոցիալական տագնապային խանգարում ֆիզիկական կամ հոգեկան առողջության մեկ այլ խանգարման հետ մեկտեղ:

Ձեր բժիշկը կամ հոգեկան առողջության մասնագետը կարող են ձեզ մոտ ախտորոշել սոցիալական տագնապային խանգարում՝ հիմնվելով հետևյալ տվյալների վրա:

  • Ֆիզիկական քննություն (բուժզննում), որը կօգնի գնահատելու, թե արդյոք որևէ առողջական վիճակ կամ դեղորայք կարող են առաջացնել տագնապային ախտանիշներ:
  • Ձեր ախտանիշների քննարկում, օրինակ այն, թե որքան հաճախ են դրանք հայտնվում և ինչ իրավիճակներում են դրսևորվում կամ վատթարանում:
  • Իրավիճակների քննարկում և գնահատում՝ հասկանալու, թե արդյոք դրանք ձեզ անհանգստություն են պատճառում:
  • Հարցաթերթիկների լրացում, որոնք կարող են որոշակիորեն պարզաբանել սոցիալական տագնապային ախտանիշները:
  • Հոգեկան խանգարումների ախտորոշիչ և վիճակագրական ձեռնարկում (DSM-5) թվարկված չափորոշիչներ, որը հրապարակվել է Ամերիկյան հոգեբուժական ասոցիացիայի կողմից։

Սոցիալական տագնապային խանգարման DSM-5 չափանիշները ներառում են հետևյալը:

  • Մշտական, ուժեղ վախ կամ անհանգստություն կոնկրետ սոցիալական իրավիճակների վերաբերյալ, քանի որ կարծում եք, որ ձեզ կարող են բացասաբար դատել, ամաչացնել կամ նվաստացնել:
  • Անհանգստություն առաջացնող սոցիալական իրավիճակներից խուսափում կամ դրանց ուժեղ վախով կամ անհանգստությամբ դիմանալը։
  • Չափազանց անհանգստություն, որը համաչափ չէ իրավիճակին։
  • Անհանգստություն կամ անհարմարավետություն, որը խանգարում է ձեր առօրյա կյանքին։
  • Վախ կամ անհանգստություն, որն ավելի լավ չի բացատրվում առողջական վիճակով, դեղորայքով կամ թմրամիջոցների չարաշահմամբ:

Հոդվածը հրապարակվել է՝ 18-07-2023
Վերջին վերանայում՝ 06-04-2024