Ստաֆիլոկոկային վարակը ախտորոշելու համար ձեր բժիշկը սովորաբար անցկացնում է այս միջոցառումները:
- Ֆիզիկական քննություն (բուժզննում). բուժզննման ընթացքում ձեր բժիշկը ուսումնասիրում է մաշկի ցանկացած խոց կամ կարմրած տարածք, որը դուք կարող եք ունենալ: Ձեր բժիշկը նաև կարող է ստուգել ցանկացած այլ ախտանիշի առկայությունը:
- Նմուշառում՝ լաբորատոր թեստի համար. առավել հաճախ բժիշկներն ախտորոշում են ստաֆիլոկոկային վարակները՝ ստուգելով արյունը, մեզը, մաշկը, վարակված նյութը կամ քթային արտադրուկները՝ բակտերիաների նշանների համար (ցանքս): Լրացուցիչ թեստերը կարող են օգնել ձեր բժշկին ընտրելու այն հակաբիոտիկը, որը լավագույնս կազդի բակտերիաների դեմ:
- Այլ հետազոտություններ. եթե ձեր մոտ ախտորոշվել էստաֆիլոկոկային վարակ, ձեր բժիշկը կարող է առաջարկել պատկերային հետազոտություն, որը կոչվում է էխոսրտագրություն: Այս հետազոտությունը կարող է ստուգել, թե արդյոք վարակը ազդել է ձեր սրտի վրա: Ձեր բժիշկը նաև կարող է նշանակել այլ պատկերային հետազոտություններ՝ կախված ձեր ախտանիշներից և բուժզննման արդյունքներից:
Հոդվածը հրապարակվել է՝ 03-07-2021
Վերջին վերանայում՝ 22-04-2024