Ստաֆիլոկոկային վարակներ․ պատճառներ

Ստաֆիլոկոկային վարակներ․ պատճառներ

Բազմաթիվ մարդիկ կրում են ստաֆիլոկոկային բակտերիաներ և երբեք չեն ունենում ստաֆիլոկոկային վարակներ:

Այնուամենայնիվ, եթե զարգանում է ստաֆիլոկոկային վարակ, մեծ հավանականությամբ պատճառն այն բակտերիաներն են, որոնք որոշ ժամանակ կրել եք օրգանիզմում կամ մաշկային ծածկույթների վրա:

Ստաֆիլոկոկային բակտերիաները կարող են իրենց կենսունակությունը պահպանել հետևյալ պայմաններում՝

  • չոր միջավայր
  • ջերմաստիճանային տատանումներ
  • ստամոքսի թթու:

Ռիսկի գործոններ

Բազմաթիվ գործոններ, այդ թվում՝ իմունային համակարգի վիճակը կամ խաղացված մարզաձևերը կարող են բարձրացնել ստաֆիլոկոկային վարակների զարգացման ռիսկը:

Առկա հիվանդություններ

Որոշ հիվանդություններ կամ դրանց բուժման դեղամիջոցները կարող են օրգանիզմը դարձնել ստաֆիլոկոկային վարակների նկատմամբ ավելի խոցելի: Ստաֆիլոկոկային վարակների ռիսկը բարձրանում է հետևյալ իրավիճակներում՝

Ներկա կամ ոչ վաղ անցյալում հիվանդանոցային բուժում

Թեև բուժման բազմաթիվ փորձերին ու ջանքերին, ստաֆիլոկոկային բակտերիաները կարող են կայուն մնալ հիվանդանոցներում բուժվող առավել խոցելի մարդկանց շրջանում, ովքեր ունեն՝

  • թուլացած իմունային համակարգ
  • այրվածքներ
  • վիրահատական վերքեր:

Ինվազիվ սարքեր և գործիքներ

Ստաֆիլոկոկային բակտերիաները կարող են տեղափոխվել ներքին օրգանների և արտաքին աշխարհի միջև հաղորդակցում ստեղծող բուժական խողովակներով: Օրինակներից են՝

  • դիալիզի խողովակներ
  • միզային կաթետերներ
  • սնուցման խողովակներ (նազոգաստրալ զոնդ)
  • շնչառական խողովակներ
  • ներանոթային կաթետերներ:

Կոնտակտային մարզաձևեր

Ստաֆիլոկոկային բակտերիաները կարող են հեշտությամբ տարածվել կտրվածքներով, քերծվածքներով և մաշկ-մաշկ շփմամբ: Ստաֆիլոկոկային վարակները նաև կարող են տարածվել հանդերձարաններում սափրիչների, սրբիչների, մարզահագուստի կամ մարզական պարագաների համատեղ օգտագործման միջոցով։

Սննդամթերքի պատրաստման սանիտարական կանոնների խախտում

Սննդի հետ գործ ունեցող մարդիկ, ովքեր պատշաճ կերպով չեն լվանում ձեռքերը, կարող են ստաֆիլոկոկները տարածել իրենց մաշկից դեպի սննդամթերք: Ստաֆիլոկոկով վարակված սննդամթերքները կարող են ունենալ նորմալ տեսք և համ:

Հոդվածը վերանայվել է՝ 04-07-2021