Նկարագիր - Ստամոքսի քաղցկեղ

Ստամոքսի քաղցկեղը, որը նաև կոչվում է գաստրիկ քաղցկեղ, բջիջների անկանոն աճ է, որը սկսվում է ստամոքսից:

Ստամոքսը մկանային պարկ է, որը գտնվում է որովայնի վերին միջին մասում՝ կողերից անմիջապես ներքև: Ստամոքսն ընդունում և պահում է կերակրափողից իջած սնունդը, ինչպես նաև օգնում է սննդի քայքայմանը և մարսմանը:

Ստամոքսի քաղցկեղը կարող է առաջանալ ստամոքսի ցանկացած հատվածում: Աշխարհի մեծ մասում ստամոքսի քաղցկեղը սկսվում է ստամոքսի հիմնական մասից, որը կոչվում է ստամոքսի մարմին: Սակայն ԱՄՆ-ում ստամոքսի քաղցկեղն ավելի հավանական է, որ սկսվի ստամոքսի և կերակրափողի միացման տեղից:

Այն, թե ստամոքսում որտեղից է քաղցկեղը սկսվում, դա այն գործոնն է, որը հաշվի են առնում բժիշկները բուժման ծրագիր կազմելիս: Այլ գործոններից են քաղցկեղի փուլը և ներգրավված բջիջների տեսակը: Բուժումը հաճախ ներառում է ստամոքսի քաղցկեղի հեռացման վիրահատություն: Վիրահատությունից առաջ և հետո կարող են օգտագործվել այլ բուժումներ:

Ստամոքսի քաղցկեղի բուժումն ամենայն հավանականությամբ հաջող կլինի, եթե քաղցկեղը միայն ստամոքսում է: Ստամոքսի փոքր քաղցկեղ ունեցող մարդկանց համար կանխատեսումը (պրոգնոզը) բավականին լավ է։ Շատերը կարող են ակնկալել, որ բուժվելու են: Այնուամենայնիվ, ստամոքսի քաղցկեղի մեծ մասը հայտնաբերվում է, երբ հիվանդությունը խորացված է, և բուժման հավանականությունը քիչ է: Ստամոքսի քաղցկեղը, որն աճում է ստամոքսի պատի միջով կամ տարածվում է մարմնի այլ մասեր, ավելի դժվար է բուժել: