Ստամոքսի քաղցկեղի վաղ փուլերում գանգատները կարող են բացակայել:
Ստամոքսի քաղցկեղի գանգատներն ու ախտանիշները կարող են ներառել՝
- կուլ տալու դժվարացում (դիսֆագիա)
- որովայնի ցավ, հաճախ՝ ստամոքսի շրջանի բութ ցավեր
- ուտելուց հետո փքվածության զգացում
- փոքր քանակությամբ սնունդ ուտելուց հետո հագեցածության (լցվածության) զգացում
- քիչ չափով սնունդ ընդունելուց հետո լցվածության զգացողություն
- սոված չզգալը, երբ ակնկալում էիր, որ սոված կլինեք
- այրոցք (изжога)
- մարսողության (ստամոքսի) խանգարում
- սրտխառնոց
- փսխում
- առանց փորձելու նիհարում
- խիստ հոգնածության զգացում
- կղանքներ, որոնք սև տեսք ունեն:
Ստամոքսի քաղցկեղը միշտ չէ, որ վաղ փուլերում ախտանիշներ է առաջացնում: Երբ դրանք ի հայտ են գալիս, ախտանիշները կարող են ներառել մարսողության խանգարումը և որովայնի վերին հատվածում ցավը: Ախտանիշները կարող են բացակայել մինչև քաղցկեղի տարածումը: Ստամոքսի քաղցկեղի հետագա փուլերը կարող են առաջացնել այնպիսի ախտանիշներ, ինչպիսիք են խիստ հոգնածությունը, առանց փորձելու նիհարելը, արյունային փսխումը և սև կղանք ունենալը:
Ստամոքսի քաղցկեղը, որը տարածվում է օրգանիզմի այլ մասեր, կոչվում է ստամոքսի մետաստատիկ քաղցկեղ: Այն առաջացնում է ախտանշաններ, որոնք հատուկ են տվյալ տարածման շրջանին: Օրինակ, երբ քաղցկեղը տարածվում է ավշային հանգույցների վրա, կարող է առաջացնել գոյացություններ, որոնք կարող եք շոշափել մաշկի տակ: Քաղցկեղը, որը տարածվում է լյարդի վրա, կարող է առաջացնել մաշկի և աչքերի սկլերաների դեղնացում: Եթե քաղցկեղը տարածվում է որովայնի ներսում, կարող է հանգեցնել որովայնի խոռոչում հեղուկի կուտակման և փորը կարող է փքված թվալ (ասցիտ):
Ե՞րբ դիմել բժշկին
Եթե ունեք անհանգստացնող գանգատներ և նշաններ, այցելեք բժշկին: Բժիշկը հավանաբար առաջին հերթին կհետազոտի առկա ախտանիշների ավելի տարածված պատճառները:
Եթե ունեք գանգատներ և ախտանիշներ, որոնք անհանգստացնում են ձեզ, պայմանավորվեք և այցելեք ձեր բժշկին: Բազմաթիվ հիվանդություններ և առողջական խնդիրներր կարող են առաջացնել ախտանիշներ, որոնք նման են ստամոքսի քաղցկեղի առաջացրած նշաններին: Ձեր բժիշկը կարող է ստուգել այդ պատճառները նախքան ստամոքսի քաղցկեղի հետազոտություններ նշանակելը:
Հոդվածը հրապարակվել է՝ 06-06-2021
Վերջին վերանայում՝ 22-04-2024