Պատճառներ - Ստրեպ-կոկորդ

Ստրեպտոկոկային ֆարինգիտը առաջանում է թարախածին ստրեպտոկոկ (Streptococcus pyogenes) անունով հայտնի բակտերիայով, որը նաև կոչվում է A խմբի ստրեպտոկոկ:

Ստրեպտոկոկային բակտերիաները վարակիչ են: Դրանք կարող են տարածվել կաթիլների միջոցով, երբ վարակով հիվանդը հազում կամ փռշտում է, կամ ընդհանուր սննդի կամ ըմպելիքների միջոցով: Դուք նաև կարող եք բակտերիաները վերցնել դռան բռնակից կամ այլ մակերեսից և տեղափոխել դրանք ձեր քթի, բերանի կամ աչքերի մեջ:

Ռիսկի գործոններ

Մի քանի գործոններ կարող են մեծացնել կոկորդի ստրեպտոկոկային վարակի ռիսկը:

• Փոքր տարիք. ստրեպտոկոկային ֆարինգիտն առավել հաճախ հանդիպում է երեխաների մոտ:
• Տարվա ժամանակը. թեև ստրեպտոկոկային ֆարինգիտը կարող է առաջանալ ցանկացած ժամանակ, այն սովորաբար շրջանառվում է ձմռանը և վաղ գարնանը: Ստրեպտոկոկային բակտերիաները շատանում են ամենուր, որտեղ մարդկանց խմբերը սերտ շփման մեջ են: