Ստրեպտոկոկային ֆարինգիտը կարող է հանգեցնել լուրջ բարդությունների:
Հակաբիոտիկ բուժումը նվազեցնում է ռիսկը:
Վարակի տարածում
Ստրեպտոկոկային բակտերիաները կարող են տարածվել` առաջացնելով վարակ՝
- նշագեղձերի
- հարքթային ծոցերի (սինուսներ)
- մաշկի
- արյան
- միջին ականջի:
Բորբոքային ռեակցիաներ
Ստրեպտոկոկային վարակը կարող է հանգեցնել բորբոքային հիվանդությունների, ինչպիսիք են՝
- քութեշ՝ ստրեպտոկոկային վարակ, որը բնութագրվում է ցայտուն ցանով
- երիկամների բորբոքում (հետստրեպտոկոկային գլոմերուլոնեֆրիտ)
- ռևմատիզմ՝ ծանր բորբոքային վիճակ, որը կարող է ազդել սրտի, հոդերի, նյարդային համակարգի և մաշկի վրա
- հետստրեպտոկոկային ռեակտիվ արթրիտ՝ վիճակ, որն առաջացնում է հոդերի բորբոքում:
Առաջարկվել է նաև հնարավոր կապ ստրեպտոկոկի և հազվադեպ հանդիպող վիճակի միջև, որը կոչվում է մանկական աուտոիմուն նեյրոհոգեկան խանգարում, որը կապված է A խմբի ստրեպտոկոկի հետ: Այս հիվանդությամբ երեխաների մոտ նկատվում են նեյրոհոգեկան վիճակների վատթարացումներ, ինչպիսիք են կպչուն-սևեռուն խանգարումը կամ տիկային խանգարումները: Այսպիսի կապվածությունը ներկայումս մնում է չապացուցված և հակասական:
Հոդվածը հրապարակվել է՝ 06-07-2021
Վերջին վերանայում՝ 22-04-2024