Ստրեպտոկոկային ֆարինգիտ. ախտանիշներ

Ստրեպտոկոկային ֆարինգիտ. ախտանիշներ

Ստրեպտոկոկային ըմպանաբորբի հիմնական ախտանիշներն են ըմպանում ցավը և ծակծկոցների զգացողությունը:

Ստրեպտոկոկային ըմպանաբորբի գանգատներն և ախտանիշներն են՝

  • ըմպանացավ, որը սովորաբար սկսվում և ուժգնանում է արագորեն
  • կլման ցավոտություն
  • կարմրած և այտուցված նշագեղձեր, երբեմն՝ սպիտակ թարախային բծերով կամ փառով
  • բերանի առաստաղի (առաջնային կամ կարծր քիմք և հետին կամ փափուկ քիմք) ետին շրջանում մանր կարմիր բծեր
  • ջերմության բարձրացում, որը կարող է ուղեկցվել դողով և սարսուռով
  • գլխացավ
  • մաշկի ցանավորում
  • սրտխառնոց կամ փսխում (հատկապես մանկահասակ երեխաների շրջանում)
  • մարմնի կոտրտվածության զգացում (մկանային ցավեր)
  • հոգնածություն։

Այնուամենայնիվ, չի բացառվում, որ դուք կամ երեխան նշեք այս ախտանիշների մեծ մասը, սակայն չունենաք ստրեպտոկոկային ֆարինգիտ: Պատճառն այն է, որ համանման ախտանիշներ կարող են առաջացնել նաև վիրուսային վարակները կամ այլ հիվանդությունները: Ահա թե ինչու է կարևոր, որ բժիշկը ստուգի ստրեպտոկոկային վարակի առկայությունը (ռապիդ ստրեպ-թեստ կամ ըմպանի քսուքի ցանքս):

Հնարավոր է նաև, որ վարակված լինեք ստրեպտոկոկային բակտերիաներ կրող, սակայն որևէ ախտանիշ չունեցող անձից:

Ե՞րբ դիմել բժշկին

Զանգեք բժշկին, եթե դուք կամ ձեր երեխան ունեք հետևյալ գանգատներից կամ ախտանիշներից մեկնումեկը՝

  • ըմպանաբորբը և ցավն ուղեկցվում են պնդացած և այտուցված ավշային հանգույցներով
  • գանգատները շարունակվում են ավելի քան 48 ժամ
  • կայուն բարձր ջերմություն
  • գանգատներն ուղեկցվում են մաշկային ցանով
  • ի հայտ է եկել դժվարացած շնչառություն կամ կլման ակտ
  • ախտորոշվելուցախտորոշվելուց և հակաբիոտիկներ ստանալուց հետո ինքնազգացողությունը չի բարելավվում 48 ժամվա ընթացքում:

Հոդվածը վերանայվել է՝ 06-07-2021