Գրադարան

Ստրեպտոկոկային ֆարինգիտ. ինքնօգնություն

Ստրեպտոկոկային ֆարինգիտ. ինքնօգնություն

Time Read 1 րոպե

Դեպքերի մեծ մասում հակաբիոտիկներն արագորեն վերացնում են վարակը պատճառող բակտերիաները:

Մինչև օրգանիզմը կմաքրվի ախտածին բակտերիաներից, ստրեպտոկոկային ֆարինգիտի ախտանիշների մեղմացման փորձեք այս խորհուրդները:

  • Շատ հանգստացեք. քունն օգնում է վարակի դեմ ձեր օրգանիզմի պայքարին: Եթե ունեք ստրեպտոկոկային ֆարինգիտ, հնարավորության դեպքում մնացեք տանը: Եթե ձեր երեխան հիվանդ է, պահեք նրան տանը, մինչև ջերմության նշաններն անհետանան, նա իրեն ավելի լավ զգա և հակաբիոտիկ ընդունի առնվազն 24 ժամ:
  • Շատ ջուր խմեք. ջուր խմելը կոկորդը պահում է օծված և խոնավ, որը հեշտացնում է կուլ տալը և օգնում կանխելու ջրազրկումը:
  • Կերեք հեշտ կուլ տրվող և հանգստացնող սնունդ. հեշտ կուլ տրվող մթերքները ներառում են արգանակներ, ապուրներ, խնձորի սոուս, եփած հացահատիկ, կարտոֆիլի պյուրե, փափուկ մրգեր, յոգուրտ (մածուն) և թերխաշ ձու: Մթերքները կարող եք խյուս անել բլենդերի մեջ, որ դրանք ավելի հեշտ կուլ տաք: Սառը կերակուրները, ինչպիսիք են շերբեթը, սառեցված մածունը կամ սառեցված մրգային մրգերը, նույնպես կարող են հանգստացնող լինել: Խուսափեք կծու կամ թթվային մթերքներից, ինչպիսին է նարնջի հյութը:
  • Ողողեք կոկորդը գոլ աղաջրով. ողողել տաք աղաջրով։ ավելի մեծ երեխաների և չափահասների համար օրական մի քանի անգամ ողողումը կարող է օգնել թեթևացնել կոկորդի ցավը: Խառնեք 1/4 թեյի գդալ (1,5 գրամ) կերակրի աղը 237 միլիլիտր (8 ունցիա) տաք ջրի մեջ: Զգուշացրեք ձեր երեխային, որ ողողելուց հետո հեղուկը դուրս թքի:
  • Մեղր. մեղրը կարելի է օգտագործել կոկորդի ցավը հանգստացնելու համար: 12 ամսականից փոքր երեխաներին մեղր մի՛ տվեք։
  • Օգտագործեք խոնավացուցիչ. օդի մեջ խոնավություն ավելացնելը կարող է օգնել թեթևացնելու կոկորդում անհարմարությունը: Ընտրեք սառը մառախուղով խոնավացուցիչ և մաքրեք այն ամեն օր, քանի որ որոշ խոնավացուցիչներում կարող են բազմանալ բակտերիաները և բորբոսը: Քթի աղային սփրեյները նույնպես օգնում են լորձաթաղանթները խոնավ պահելուն:
  • Հեռու մնացեք գրգռիչներից. ծխախոտի ծուխը կարող է գրգռել կոկորդի լորձաթաղանթը և մեծացնել այնպիսի վարակների հավանականությունը, ինչպիսին է տոնզիլիտը: Խուսափեք ներկերի կամ մաքրող միջոցների գոլորշիներից, որոնք կարող են գրգռել կոկորդը և թոքերը:
Բուժում      

Հոդվածը տեղադրվել է՝ 06-07-2021 վերանայվել է՝ 07-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով