Ստրեպտոկոկային ֆարինգիտ. ախտորոշում

Ստրեպտոկոկային ֆարինգիտ. ախտորոշում

Ստրեպտոկոկային ֆարինգիտն ախտորոշելիս բժիշկը բերանի խոռոչը և ըմպանը զննելուց, ախտանիշներին ուշադրություն դարձնելուց և հիվանդության պատմության վերաբերյալ որոշ մանրամասներ ճշտելուց հետո կարող է նշանակել որոշ թեստեր:

  • Ռապիդ (արագ) հակածնային թեստ. այս թեստն անցկացվում է ըմպանի պատից վերցրած լորձի նմուշով, որի մեջ րոպեների ընթացքում կարող են հայտնաբերվել ստրեպտոկոկային բակտերիաներ ըստ դրանց հակածինների (անտիգեն): Եթե թեստը բացասական է, իսկ բժիշկն այնուամենայնիվ կասկածում է ստրեպտոկոկային ըմպանաբորբ, կարող է առաջարկել ըմպանի քսուքի ցանքս:
  • Մելեկուլյար (պոլիմերազային շղթայական ռեակցիայի կամ ՊՇՌ) թեստ. այս թեստի անցկացման համար նույնպես օգտագործվում է ըմպանից քսուք:
  • Ըմպանի քսուքի ցանքս. սա մանրէաբանական ընդլայնված թեստ է, որը հիմնված է ըմպանից ստերիլ տամպոնով վերցված լորձի նմուշի ցանքսի վրա: Նմուշառումը ցավոտ չէ, սակայն կարող է առաջացնել թեթև սրտխառնոց: Պատասխանը ստացվում է մինչև 2 օրվա ընթացքում կամ ավելի ուշ, և վերաբերվում է ոչ միայն ստրեպտոկոկային, այլ նաև այլ տարածված բակտերիաների հայտնաբերմանը:

Հոդվածը վերանայվել է՝ 06-07-2021