Ինքնասպանություն (սուիցիդ) և ինքնասպանության մտքեր

1 րոպե

Ինքնասպանությունը՝ սեփական կյանքից զրկելը, ողբերգական ռեակցիա է կյանքի սթրեսային իրավիճակներին, և առավել ցավելի է այն, որ ինքնասպանությունը կարելի է կանխել:

Անկախ նրանից, թե ինքներդ եք մտածում ինքնասպանություն գործելու մասին կամ ճանաչում եք մեկին, ով ունի սեփական կյանքին վերջ տալու մտքեր, սովորեք ինքնասպանության (սուիցիդի) նախազգուշացնող նշանները և այն, թե ինչպես հասնել անհապաղ օգնության և մասնագիտական ​​բուժման: Դուք կարող եք փրկել ձեր սեփական կյանքը կամ ուրիշի կյանքը:

Կարող է թվալ, որ ձեր խնդիրները լուծելու որևէ միջոց չկա, և որ ինքնասպանությունը ձեր ցավերին կամ հոգեկան տառապանքներին վերջ տալու միակ միջոցն է: Սակայն դուք կարող եք քայլեր ձեռնարկել՝ ձեր կյանքին կամ առողջությանը վնաս չպատճառելու և նորից ձեր կյանքը վայելելու համար: Եվ այդ ժամանակ կգտնեք ձեր խնդիրների հաղթաhարման արդյունավետ լուծումներ:

Անհապաղ օգնության համար

Եթե զգում եք, որ ծանրաբեռնված եք ապրել չցանկանալու մտքերով կամ ինքնասպանության փորձի ցանկություն ունեք, անմիջապես դիմեք օգնության՝

• զանգեք ինքնասպանության թեժ գիծ (եթե այդպիսին կա)
• զանգեք 1-03 և կանչեք շտապ օգնություն
• զանգեք 911 և կանչեք արտակարգ իրավիճակների ծառայության անձնակազմ
• դիմեք ձեր մոտիկ ընկերներին կամ ընտանիքի անդամներին: