Ինքնասպանություն. կանխարգելում

1 րոպե

Ինքնասպանություն գործելու զգացումից կամ մտքերից զերծ մնալու համար հետևեք այս խորհուրդներին:

• Ստացեք անհրաժեշտ բուժումը. եթե ​​չբուժեք պատճառ հանդիսացող առողջական վիճակը կամ հիվանդությունը, ձեր ինքնասպանության մտքերը, ամենայն հավանականությամբ, կկրկնվեն: Հնարավոր է, որ խուսափեք կամ ամաչեք հոգեկան առողջության խնդիրների համար բուժման դիմելուց, սակայն դեպրեսիայի, ապօրինի թմրամիջոցների չարաշահման կամ հիմքում ընկած այլ առողջական խնդրի դեպքում ճիշտ և ժամանակին բուժում ստանալը կնպաստի, որ ավելի լավ զգաք ձեր կյանքից և կարողանաք հաջողությամբ հաղթահարել անհուսության զգացումը:
• Ստեղծեք ձեր աջակցիցների ցանցը. hնարավոր է, որ ձեզ դժվար լինի խոսել ինքնասպանության զգացումների մասին, և ձեր ընկերներն ու ընտանիքը կարող են ամբողջապես չըմբռնել, թե ինչու եք դուք ենթարկվում նմանատիպ մտքերին: Այնուամենայնիվ, մի՛ խուսափեք մարդկանցից և մի՛ մեկուսացեք բոլորից, այլ փորձեք կապ հաստատել այն մարդկանց հետ, ովքեր իրոք հոգ են տանում ձեր մասին, գիտեն ու հասկանում են, թե ինչ է կատարվում ձեր ուղեղում և ձեր կողքին կլինեն, երբ դա ձեզ անհրաժեշտ լինի: Կարող եք նաև օգնություն ստանալ ձեր եկեղեցուց, աջակցող և փոխօգնության խմբերից կամ համայնքային այլ ռեսուրսներից: Կապվածության և աջակցության զգացումը կարող է օգնել, որ կրճատեք ինքնասպանության ռիսկը:
• Հիշեք, որ ինքնասպանության զգացումները ժամանակավոր են. եթե ​​ձեզ զգում եք ծայրահեղ հուսալքված կամ կարծում եք, որ ձեր կյանքն այլևս անիմաստ է, հիշեք, որ դա ժամանակավոր զգացում է և բուժումը կարող է օգնել ձեզ, որ վերականգնեք ձեր նպատակները և իմաստավորեք ձեր կյանքը: Մի՛ փորձեք միաժամանակ լուծել տարբեր խնդիրներ, այլ քայլ առ քայլ հաջորդաբար լուծեք ձեզ հուզող հարցերը և երբեք մի՛ արեք անխոհեմ, «պահի տակ» արարքներ։