Այն, թե ինչ տեսք կունենա արևից ալերգիա ունեցող մաշկը, մեծապես կախված է ձեր մաշկի գույնից և ախտանիշների առաջացման պատճառից:
Գանգատները և ախտանիշները կարող են ներառել հետևյալը՝
- քորի առաջացում (պրուրիտուս)
- ծակոցների զգացում
- փոքր հանգույցիկներ, որոնք կարող են միաձուլվել մաշկից քիչ բարձրացված բծերի մեջ
- ազդեցության ենթարկված շրջանի կարմրություն
- բշտիկներ կամ եղնջացան:
Ախտանիշները սովորաբար ի հայտ են գալիս մաշկի միայն այն շրջաններում, որոնք ենթարկվել են արևի կամ ուլտրամանուշակագույն ճառագայթման այլ աղբյուրի ազդեցությանը: Դրանք դրսևորվում են արևի տակ մնալուց հետո րոպեներից մինչև ժամերի ընթացքում:
Ե՞րբ դիմել բժշկին
Այցելեք ձեր բժշկին, եթե արևի տակ գտնվելուց հետո ունեք անսովոր, անհանգստացնող մաշկային ռեակցիաներ: Ծանր կամ շարունակվող ախտանշանների դեպքում կարող է անհրաժեշտ լինել այցելել մաշկային խանգարումների ախտորոշման և բուժման մեջ մասնագիտացված բժշկին (մաշկաբան):
Հոդվածը հրապարակվել է՝ 13-08-2023
Վերջին վերանայում՝ 22-04-2024