Արևից ալերգիան լայն հասկացություն է, որը նկարագրում է մի քանի վիճակներ, որոնք հանգեցնում են մաշկի վրա քոր առաջացնող ցանի առաջացմանը՝ որպես արևի լույսի կամ ուլտրամանուշակագույն (ՈւՄ) ճառագայթման այլ աղբյուրների ազդեցության հետևանք:
Լուսային բազմաձև (պոլիմորֆ) ցանը արևից ալերգիայի ամենատարածված ձևն է:
Որոշ մարդկանց մոտ արևից ալերգիան ունի ժառանգական ծագում: Մյուսների մոտ ախտանշաններ են զարգանում միայն այն դեպքում, երբ առկա է մեկ այլ հրարիչ գործոն, օրինակ՝ դեղորայք ընդունելը կամ որոշ բույսերին դիպչելը: Արևի հետ կապված ռեակցիաների այլ տեսակների առաջացման պատճառները մնում են անհասկանալի:
Արևից թեթև ալերգիան կարող է վերանալ առանց բուժման: Ծանր ցաները կարող են բուժվել ստերոիդային նրբաքսուքներով (կրեմ) կամ հաբերով: Եթե ունեք արևից սուր ալերգիա, ձեզ հարկավոր է ձեռնարկել կանխարգելիչ քայլեր: Օրինակ, կրեք հագուստ, որը ձեզ պաշտպանում է արևից։
Հոդվածը հրապարակվել է՝ 13-08-2023
Վերջին վերանայում՝ 28-04-2024