Գրադարան
Սիֆիլիս. պատճառներ
2 րոպե
Սիֆիլիսի պատճառը դժգույն տրեպոնեմա (Treponema pallidum) բակտերիան է:
Սիֆիլիսի տարածման ամենահաճախ հանդիպող ուղին վարակված անձի խոցի հետ շփումն է սեռական գործունեության ընթացքում: Բակտերիաներն օրգանիզմ են ներթափանցում մաշկի կամ լորձաթաղանթների փոքր կտրվածքների կամ քերծվածքների միջոցով: Սիֆիլիսը վարակիչ է իր առաջնային և երկրորդային փուլերում, իսկ երբեմն նաև՝ վաղ թաքնված շրջանում:
Ավելի հազվադեպ, սիֆիլիսը կարող է տարածվել ակտիվ վնասվածքի հետ անմիջական շփման միջոցով, օրինակ՝ համբույրի ժամանակ: Այն կարող է փոխանցվել նաև մորից իրենց երեխաներին հղիության կամ ծննդաբերության ընթացքում:
Սիֆիլիսը չի կարող տարածվել միևնույն զուգարանակոնքի, լոգարանի, հագուստի կամ սպասքի պարագաների, դռան բռնակների, լողավազանների կամ սաունաների միջոցով, քանի որ սիֆիլիսի բակտերիան չի կարող մարդու օրգանիզմից դուրս ապրել մի քանի օրից ավելի:
Բուժվելուց հետո սիֆիլիսն ինքնուրույն չի վերադառնում: Այնուամենայնիվ, դուք կարող եք նորից վարակվել, եթե շփվեք ինչ-որ մեկի սիֆիլիսի խոցի հետ:
Ռիսկի գործոններ
Դուք կարող եք առնվել սիֆիլիսով հիվանդանալու մեծ ռիսկի հետ, եթե՝
- զբաղվում եք անպաշտպան սեռական հարաբերություններով
- ունեք բազմաթիվ սեռական զուգընկերներ
- տղամարդ եք և սեռական հարաբերություններով եք զբաղվում տղամարդկանց հետ
- վարակված եք ՄԻԱՎ-ով՝ ՁԻԱՀ պատճառող վիրուսով:
Հոդվածը տեղադրվել է՝ 19-04-2020 վերանայվել է՝ 29-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
