Առանց բուժման, սիֆիլիսը կարող է հանգեցնել ամբողջ օրգանիզմի ախտահարմանը:
Սիֆիլիսը նաև մեծացնում է ՄԻԱՎ վարակի ռիսկը և կարող է խնդիրներ առաջացնել հղիության ընթացքում: Բուժումը կարող է օգնել կանխելու ապագա վնասը, բայց չի կարող վերականգնել կամ ետ բերել արդեն իսկ առաջացած վնասը:
Փոքր գնդեր կամ ուռուցքներ (գումմաներ)
Սիֆիլիսի վերջին փուլում մաշկի, ոսկորների, լյարդի կամ որևէ այլ օրգանի վրա կարող են առաջանալ գնդեր կամ ուռուցքանման գոյացություններ (գումմաներ): Գումմաները սովորաբար անհետանում են հակաբիոտիկներով բուժումից հետո:
Նյարդաբանական խնդիրներ
Սիֆիլիսը կարող է առաջացնել նյարդային համակարգի հետ կապված մի շարք խնդիրներ, այդ թվում՝
- գլխացավ
- ինսուլտ
- մենինգիտ
- լսողության կորուստ
- տեսողական խնդիրներ, այդ թվում՝ կուրություն
- դեմենցիա (թուլամտություն)
- ցավի և ջերմաստիճանի զգացողությունների կորուստ
- տղամարդկանց մոտ՝ սեռական դիսֆունկցիա (իմպոտենցիա)
- անմիզապահություն:
Սրտանոթային խնդիրներ
Դրանք կարող են ներառել աորտայի՝ ձեր գլխավոր զարկերակի, և այլ արյունատար անոթների արափոքումը (անևրիզմա) և այտուցվածությունը: Սիֆիլիսը նաև կարող է վնասել սրտի փականները։
ՄԻԱՎ վարակ
Սեռական ճանապարհով փոխանցվող սիֆիլիսով կամ սեռական օրգանների այլ խոցերով չափահասների շրջանում մոտ 2-5 անգամ բարձրանում է ՄԻԱՎ-ով վարակվելու ռիսկը: Սիֆիլիսային շանկրը կարող է հեշտությամբ արյունահոսել, որը հեշտացնում է սեռական հարաբերության ժամանակ ՄԻԱՎ-ի թափանցումը ձեր արյան հուն:
Հղիության և ծննդաբերության բարդություններ
Եթե հղի եք, կարող եք սիֆիլիսը փոխանցել ձեր չծնված երեխային: Բնածին սիֆիլիսը զգալի կերպով մեծացնում է վիժման, մեռելածնության կամ ծնվելուց հետո մի քանի օրվա ընթացքում ձեր նորածնի մահվան ռիսկը:
Հոդվածը հրապարակվել է՝ 19-04-2020
Վերջին վերանայում՝ 06-04-2024