Կանխարգելում - Սիֆիլիս

Սիֆիլիսի դեմ պատվաստանյութ չկա, սակայն սիֆիլիսի տարածումը կանխելու համար հետևեք հետևյալ խորհուրդներին:

• Զերծ մնացեք սեռական հարաբերություններից կամ եղեք մոնոգամ. սիֆիլիսից խուսափելու միակ որոշակի միջոցը սեռական հարաբերությունից խուսափելն է (ձեռնպահ մնալը): Հաջորդ լավագույն տարբերակը փոխադարձ մոնոգամ սեռական կյանքով ապրելն է, երբ երկու զուգընկերներն էլ սեռական հարաբերություններով զբաղվում են միայն միմյանց հետ, և զուգընկերներից ոչ մեկը վարակված չէ:
• Օգտագործեք լատեքսային պահպանակ. պահպանակները կարող են նվազեցնել սիֆիլիսով հիվանդանալու ռիսկը, բայց միայն այն դեպքում, եթե պահպանակը ծածկում է սիֆիլիսի վերքերը:
• Խուսափեք ակումբային (ժամանցային) թմրամիջոցներից. ալկոհոլի կամ այլ թմրամիջոցների չարաշահումը կարող է արգելակել ձեր դատողությունը և հանգեցնել անապահով սեռական պրակտիկայի:

Զուգընկերոջ տեղեկացում և կանխարգելիչ բուժում

Եթե ​​լաբորատոր թեստերը ցույց են տալիս, որ դուք ունեք սիֆիլիս, ձեր սեռական զուգընկերները, ներառյալ ներկայիս զուգընկերները և ցանկացած այլ զուգընկեր, ում հետ սեռական կապի մեջ եք գտնվել վերջին երեք ամսից մինչև մեկ տարվա ընթացքում, պետք է տեղեկացված լինեն, որ նույնպես լաբորատր թեստ անցնեն: Եթե թեստը դրական է, ձեր զուգընկերները կարող են հնարավորինս վաղ սկսել իրենց բուժումը:

Զուգընկերջը պաշտոնական, գաղտնի տեղեկացումը կարող է օգնել սահմանափակելու սիֆիլիսի տարածումը: Արդյունավետ են նաև ռիսկի ենթարկվածներին ուղղորդումը դեպի խորհրդատվություն և ճիշտ բուժում: Դուք կարող եք սիֆիլիսով վարակվել մեկից ավելի անգամ, ուստի զուգընկերոջը տեղեկացնելը նվազեցնում է կրկին վարակվելու ձեր ռիսկը:

Հղի կանանց սքրինինգ

Կանայք կարող են վարակվել սիֆիլիսով և չիմանալ այդ մասին։ Հաշվի առնելով չծնված երեխաների վրա սիֆիլիսի հաճախ մահացու հետևանքները, առողջապահության ոլորտի մասնագետները խորհուրդ են տալիս, որ բոլոր հղի կանայք անցնեն սիֆիլիսի հայտնաբերման սքրինինգային հետազոտություն: