Գրադարան

Ամորձու ոլորում․ ախտանիշներ

Ամորձու ոլորում․ ախտանիշներ

Time Read 1 րոպե

Ամորձու ոլորման գանգատներն ու ախտանիշները ներառում են հետևյալը՝

  • փոշտի (ամորձապարկի) ներսում հանկարծակի, սուր ցավ (փոշտը ձեր առնանդամի տակ գտնվող մաշկային ազատ պարկ է, որը պահում է ամորձիները) կամ շոշափելիս ցավոտություն
  • փոշտի այտուցվածություն
  • որովայնային ցավ, որը սովորաբար ընդգրկում է միայն մեկ՝ ոլորված ամորձու կողմը
  • սրտխառնոց և փսխում
  • փոշտի մեջ ամորձիներից մեկնումեկի անսովոր, օրինակ՝ նորմալից բարձր կամ տարօրինակ անկյան տակ թեքված դիրք
  • հաճախակի միզարձակում
  • քայլելու դժվարություն կամ քայլելիս ամորձու ցավի սաստկացում
  • ջերմություն:

Մանկահասակ տղաները, ովքեր ունեն ամորձու ոլորում, սովորաբար արթնանում են կեսգիշերին կամ վաղ առավոտյան փոշտի սուր ցավի պատճառով:

Ե՞րբ դիմել բժշկին

Դիմեք անհետաձգելի բուժօգնության ամորձիների հանկարծակի կամ ուժեղ ցավի դեպքում: Եթե ունեք ամորձու ոլորում, շտապ բուժումը կարող է կանխել ձեր ամորձու լուրջ վնասումը կամ կորուստը:

Դուք նաև պետք է դիմեք անհետաձգելի բուժօգնության, եթե ունեք ամորձիների հանկարծակի ցավեր, որոնք անհետանում են առանց բուժման: Սա կարող է առաջանալ, երբ ամորձին ոլորվում, իսկ հետո՝ ինքնուրույն ետ է ոլորվում (ընդմիջվող ոլորում և դետորսիա): Հաճախ անհրաժեշտ է վիրահատություն՝ խնդրի կրկնությունը կանխելու համար:

Հոդվածը տեղադրվել է՝ 14-01-2024 վերանայվել է՝ 14-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով