Թրոմբոցիտոպենիայի գանգատներն ու ախտանիշները կարող են ներառել հետևյալը:
- Հեշտ առաջացող կամ տարածուն արյունազեղումներ (պուրպուրա)
- մակերեսային ներմաշկային արյունահոսություններ, որոնք ի հայտ են գալիս որպես կետային կարմրա-մանուշակագույն բծեր (պետեխիա), սովորաբար՝ ստորին վերջույթներին
- կտրվածքներից երկարաձգված արյունահոսություն
- արյունահոսություն ձեր լնդերից կամ քթից
- արյուն մեզում կամ կղանքում
- անսովոր առատ դաշտանային արտհոսք
- հոգնածություն
- մեծացած փայծաղ (սպլենոմեգալիա):
Ե՞րբ դիմել բժշկին
Պայմանավորվեք և այցելեք ձեր բժշկին, եթե ունեք թրոմբոցիտոպենիայի նշաններ, որոնք անհանգստացնում են ձեզ:
Չդադարող արյունահոսությունը համարվում է անհետաձգելի բուժօգնություն պահանջող վիճակ: Անմիջապես դիմեք բուժօգնության, եթե արյունահոսությունը չի հաջողվում վերահսկել առաջին օգնության սովորական մեթոդներով, օրինակ՝ տվյալ շրջանի վրա ճնշում գործադրելով:
Հոդվածը հրապարակվել է՝ 03-08-2023
Վերջին վերանայում՝ 22-04-2024