Գրադարան
Մաշկի սնկիկային վարակ (դերմատոֆիտիա)
1 րոպե
Սնկախտը կամ մաշկի սնկիկային հիվանդությունը, ինչպես հուշում է անվանումը, պատճառվում է մանրադիտակային մեծության սնկիկներով։
Մաշկի սնկիկային ախտահարումներին ավելի հաճախ անվանում են տրիխոֆիտիաներ, դերմատոֆիտոզներ, դերմատոմիկոզներ կամ պարզապես միկոզներ։
Մաշկի սնկիկային վարակը կամ սնկախտը մաշկի տարածված հիվանդությունների խումբ է, որոնք պատճառվում են սնկիկներով։ Սնկիկներն ավելի լավ գոյատևում են տաք և խոնավ միջավայրերում, ուստի ոտնաթաթերը (մարզիկի ոտք), աճուկները, գլխի մազածածկ մաշկը, մարմինը (օրինակ՝ կրծքատակերը) և երբեմն ձեռքի կամ ոտքի մատների եղունգները սնկերի աճի ու բազմացման համար համարվում են լավագույն տեղամասերը։
Մաշկի սնկային վարակների մեծ մասն ունի մեղմ ընթացք և կարող է ի հայտ գալ ցանկացած մարդու մոտ։ Դեռահասների և երիտասարդների մոտ սնկախտն ավելի հաճախ տեղակայվում է ոտնաթաթերում (մարզիկի ոտք)։ Վերջինս նաև հաճախ հանդիպում է մարզիկների, հասարակական բաղնիքներից, լողավազաններից, մարզասրահներից ու խաղահրապարակներից պարբերաբար օգտվող մարդկանց շրջանում։
Հոդվածը տեղադրվել է՝ 05-06-2019 վերանայվել է՝ 12-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
