Տոնզիլիտ․ պատճառներ

Տոնզիլիտ․ պատճառներ

Տոնզիլիտն առավել հաճախ պատճառվում է տարածված վիրուսներով, սակայն բակտերիալ վարակները նույնպես կարող են ախտահարել նշագեղձերը:

Տոնզիլիտ առաջացնող ամենատարածված բակտերիան թարախածին ստրեպտոկոկն է (Streptococcus pyogenes), որը պատկանում է A ստրեպտոկոկերի խմբին և առաջացնում է ստրեպտոկոկային ըմպանաբորբ: Ստրեպտոկոկերի այլ շտամներ և այլ բակտերիաներ նույնպես կարող են առաջացնել տոնզիլիտ:

Ինչո՞ւ են նշագեղձերը վարակվում

Նշագեղձերը բերանով օրգանիզմ մուտք գործած բակտերիաների և վիրուսների դեմ իմունային համակարգի պայքարի առաջին օղակն են: Այս գործառույթը նշագեղձերն առանձնակի խոցելի է դարձնում վարակի և բորբոքման նկատմամբ: Այնուամենայնիվ, նշագեղձերի իմունային գործունեությունը սեռահասունացումից հետո նվազում է, որի պատճառով չափահասների շրջանում երբեմն զարգանում է տոնզիլիտ:

Ռիսկի գործոններ

Տոնզիլիտի ռիսկի գործոնները ներառում են՝

  • փոքր տարիք. տոնզիլիտն առավել հաճախ հանդիպում է երեխաների շրջանում, իսկ բակտերիալ տոնզիլիտն ավելի տարածված է 5-15 տարեկան երեխաների շրջանում
  • միկրոբների հաճախակի ազդեցություն. դպրոցական տարիքի երեխաները սերտ շփման մեջ են համադասարանցիների և այլ հասակակիցների հետ, ուստի հաճախ ենթարկվում են տոնզիլիտ առաջացնող վիրուսների կամ բակտերիաների ազդեցությանը:

Հոդվածը վերանայվել է՝ 04-07-2021