Տոնզիլիտն առավել տարածված է նախադպրոցականից մինչև միջին դեռահասության տարիքի երեխաների մոտ:
Տոնզիլիտի ընդհանուր գանգատներից և ախտանիշներից են՝
- կարմրած, այտուցված նշագեղձեր
- նշագեղձերի վրա սպիտակ կամ դեղնավուն փառ կամ բծեր
- կոկորդի ցավ
- դժվարացած կամ ցավոտ կլման ակտ (դիսֆագիա)
- ջերմություն
- մեծացած կամ ցավոտ պարանոցային գեղձեր (ավշային հանգույցներ)
- խզված, խլացած կամ կոկորդային ձայն
- տհաճ հոտով շնչառություն
- ստամոքսի ցավ
- պարանոցի ցավ կամ կարկամություն
- գլխացավ:
Փոքր երեխաների մոտ, ովքեր չեն կարող նկարագրել իրենց գանգատները և զգացողությունները, տոնզիլիտի մասին կարող են վկայել հետևյալ նշանները՝
- բերանից թքահոսություն դժվարացած կամ ցավոտ կլման պատճառով
- սննդից հրաժարում
- անսովոր շփոթվածություն:
Ե՞րբ դիմել բժշկին
Եթե ձեր երեխայի մոտ զարգացել են տոնզիլիտին նմանվող ախտանիշներ, կարևոր է ճիշտ ախտորոշել դրանց պատճառը:
Զանգեք բժշկին, եթե ձեր երեխային մոտ առկա է՝
- կոկորդի ցավով ուղեկցվող ջերմություն
- կոկորդի ցավ, որը չի անհետանում 24-48 ժամվա ընթացքում
- դժվարացած կամ ցավոտ կլման ակտ
- խիստ թուլություն, հոգնածություն կամ շփոթվածություն:
Դիմեք անհետաձգելի բուժօգնության, եթե ձեր երեխայի մոտ առկա է այս նշաններից մեկնումեկը՝
- դժվարացած շնչառություն
- խիստ դժվարացած կլման ակտ
- խիստ թքահոսություն:
Հոդվածը հրապարակվել է՝ 04-07-2021
Վերջին վերանայում՝ 05-04-2024