Կանխարգելում - Տոքսիկ հեպատիտ

Միշտ չէ, որ կարող եք նախապես իմանալ, թե լյարդն ինչպես կարձագանքի որևէ դեղամիջոցի ազդեցությանը, ուստի տոքսիկ հեպատիտը չի կարող միշտ կանխարգելվել:

Սակայն, դուք կարող եք նվազեցնել լյարդային խնդիրների ռիսկը հետևյալ միջոցներով:

• Սահմանափակեք դեղամիջոցները. ընդունեք դեղատոմսով և առանց դեղատոմսի դեղերը միայն խիստ անհրաժեշտության դեպքում: Ուսումնասիրեք ոչ դեղորայքային տարբերակներն տարածված առողջական խնդիրների համար, ինչպիսիք են բարձր արյան ճնշումը (հիպերտենզիա), բարձր խոլեսթերինը և հոդաբորբի (արթրիտի) ցավը:
• Դեղամիջոցներն ընդունեք միայն այնպես, ինչպես նշանակված են. հստակ հետևեք ցուցումներին ձեր ընդունած ցանկացած դեղամիջոցի համար: Մի՛ գերազանցեք առաջարկված քանակությունը, նույնիսկ եթե ձեր ախտանիշները չեն բարելավվում: Դեղատոմս չպահանջող ցավազրկողների ազդեցությունը երբեմն արագորեն անհետանում է, ուստի հեշտ է դրանց չափից շատ քանակներ ընդունելը:
• Զգուշորեն օգտագործեք դեղաբույսեր և հավելումներ. մի՛ ենթադրեք, որ բնական ծագման միջոցներն անվնաս չեն: Մինչև որևէ դեղաբույս կամ հավելում օգտագործելը բժշկի հետ քննարկեք հնարավոր օգուտները և վտանգները: Հիշեք, որ բուսական ծագման արտադրանքները կամ մեծ դեղաչափով վիտամինային հավելումները կարող են վնասել լյարդը:
• Զգույշ եղեք դեղաբույսերի և հավելումների հետ. մի՛ կարծեք, որ բնական արտադրանքը չի վնասի: Խոտաբույսեր և հավելումներ ընդունելուց առաջ ձեր բժշկի հետ քննարկեք օգուտներն ու ռիսկերը: Հիշեք, որ բուսական արտադրանքները կամ մեծ դեղաչափով վիտամինային հավելումները կարող են վնասել լյարդը:
• Մի՛ խառնեք ալկոհոլը և դեղամիջոցները. ալկոհոլն ու դեղերը վատ համադրություն են: Եթե Ացետամինոֆեն (Պարացետամոլ, Թայլենոլ և այլն) եք ընդունում, մի՛ խմեք ալկոհոլ: Հարցրեք ձեր բժշկին ալկոհոլի և ձեր օգտագործած դեղերի փոխազդեցության մասին:
• Նախազգուշական միջոցներ ձեռնարկեք քիմիական նյութերի հետ առնչվելիս. եթե աշխատում եք կամ օգտագործում եք վտանգավոր քիմիական նյութեր, ձեռնարկեք բոլոր անհրաժեշտ նախազգուշական միջոցներըր: Եթե կասկածում եք, որ կարող եք ենթարկված լինել դրանց ազդեցությանը, հետևեք ձեր աշխատավայրի ուղեցույցներին կամ օգնության համար զանգեք շտապ օգնության ծառայություն:
• Դեղորայքն ու քիմիական նյութերը երեխաներից հեռու պահեք. բոլոր դեղամիջոցներն ու վիտամինային հավելումները պահեք երեխաներից հեռու և երեխաներից պաշտպանված տարաներում, որ նրանք չկարողանան պատահաբար կուլ տալ դրանք: