Գրադարան

Տոքսիկ հեպատիտ. ախտանիշներ

Տոքսիկ հեպատիտ. ախտանիշներ

Time Read 2 րոպե

Տոքսիկ հեպատիտի թեթև ձևերը կարող են որևէ գանգատ չառաջացնել և հայտնաբերվել պատահականորեն, օրինակ՝ արյան թեստով:

Երբ զարգանում են տոքսիկ հեպատիտի գանգատներ և ախտանիշներ, դրանք կարող են ներառել՝

  • մաշկի և աչքերի սպիտակուցների դեղնացում (դեղնուկ)
  • մաշկի քոր
  • աջ թուլակողում որովայնային ցավեր կամ ծանրության զգացում
  • հոգնածություն
  • ախորժակի կորուստ
  • սրտխառնոց և փսխում
  • ցան
  • ջերմություն
  • քաշի կորուստ
  • մգացած կամ թեյագույն մեզ:

Ե՞րբ դիմել բժշկին

Առանց հետաձգելու այցելեք բժշկին, եթե անհանգստացած եք վերոնշյալ ախտանիշներից մեկնումեկով:

Որոշ դեղերի գերդոզավորումը, ինչպիսին է Ացետամինոֆենը (Պարացետամոլ, Թայլենոլ և այլն), կարող է հանգեցնել լյարդային անբավարարության: Եթե կարծում եք, որ դուք, ձեր ընտանիքի մեկ այլ անդամ կամ առավել ևս՝ երեխան խմել է Ացետամինոֆենի մեծ քանակներ, անհապաղ դիմեք անհետաձգելի բուժօգնության կամ զանգեք 1-03 և կանչեք շտապ օգնություն: Ացետամինոֆեինի հնարավոր գերդոզավորման նշաններից են՝

  • ախորժակի կորուստ
  • սրտխառնոց կամ փսխում
  • վերորովայնային ցավեր
  • կոմա:

Մի սպասեք ախտանիշների զարգացմանը, այլ գերդոզավորման կասկածի դեպքում անմիջապես դիմեք անհետաձգելի բուժօգնության: Ացետամինոֆենի գերդոզավորումը կարող է բերել մահվան, սակայն կարող է նաև հաջողությամբ բուժվել, եթե ընդունելուց անմիջապես հետո սկսվեն բուժական միջոցառումները:

Հոդվածը տեղադրվել է՝ 19-05-2021 վերանայվել է՝ 07-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով