Գրադարան

Տոքսիկ հեպատիտ. բուժում

Տոքսիկ հեպատիտ. բուժում

Time Read 1 րոպե

Բժիշկները կաշխատեն պարզելու, թե ինչն է առաջացրել ձեր լյարդի վնասումը:

Երբեմն շատ պարզ է, թե ինչն է առաջացրել ձեր ախտանիշները, իսկ երբեմն էլ շատ ավելի ախտորոշիչ փնտրտուք է պահանջվում՝ պատճառը պարզելու համար: Շատ դեպքերում, լյարդի բորբոքում առաջացնող թունավոր (տոքսիկ) ազդեցության դադարեցումը կարող է նվազեցնել ձեր գանգատներն ու ախտանիշները:

Տոքսիկ հեպատիտի բուժումը կարող է ներառել հետևյալը:

  • Օժանդակող (ախտանիշային) բուժում. ծանր ախտանիշներով մարդիկ, ամենայն հավանականությամբ, հիվանդանոցում կստանան օժանդակող բուժում, ներառյալ ներերակային հեղուկներ և դեղամիջոցներ՝ սրտխառնոցն ու փսխումը թեթևացնելու համար: Ձեր բժիշկը նաև կվերահսկի լյարդի վնասը:
  • Դեղորայք՝ Ացետամինոֆենից առաջացած լյարդի վնասը վերացնելու համար. եթե ձեր լյարդի վնասը առաջացել է Ացետամինոֆենի (Պարացետամոլ, Թայլենոլ և այլն) չափից մեծ դեղաչափից, դուք անմիջապես կստանաք Ացետիլցիստեին կոչվող քիմիական միացությունը: Որքան շուտ այս դեղամիջոցը կիրառվի, այնքան մեծ կլինի լյարդի վնասը սահմանափակելու հնարավորությունը: Այն առավել արդյունավետ է, եթե օգտագործվում է Ացետամինոֆենի չափից մեծ դոզա ստանալուց հետո 16 ժամվա ընթացքում:
  • Անհետաձգելի օգնություն. մարդկանց համար, ովքեր օգտագործել են տոքսիկ դեղամիջոցների չափից մեծ դեղաչափեր, անհրաժեշտ է անհետաձգելի բուժօգնություն: Նման դեպքերում կարող են նշանակվել թունավոր նյութն օրգանիզմից հեռացման կամ դրա թունավոր ազդեցությունը նվազեցնող բուժումներ:
  • Լյարդի փոխպատվաստում. երբ լյարդի գործառույթը խիստ խանգարված է, որոշ մարդկանց համար լյարդի փոխպատվաստումը կարող է լինել միակ տարբերակը: Լյարդի փոխպատվաստումը ձեր հիվանդ լյարդը հեռացնելու և այն դոնորից ստացված առողջ լյարդով փոխարինելու վիրահատություն է: Լյարդի փոխպատվաստման համար օգտագործվող լյարդի մեծ մասը մահացած դոնորներից է: Որոշ դեպքերում լյարդ կարող են առաջարկվել կենդանի դոնորներից, ովքեր նվիրաբերում են իրենց լյարդի մի մասը:

Հոդվածը տեղադրվել է՝ 19-05-2021 վերանայվել է՝ 10-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով