Skip to main content

Կանխարգելում - Միկրոինսուլտ

Ձեր ռիսկի գործոնների իմացությունը և առողջ ապրելը լավագույն բանն է, որ կարող եք անել տրանզիտոր իշեմիկ գրոհի (ՏԻԳ) կանխարգելման համար:

Առողջ ապրելակերպի մեջ ներառված են կանոնավոր բուզննումները: Նաև կյանքի կոչեք ձեր ապրելակերպի հետևյալ փոփոխությունները:

  • Մի՛ ծխեք. ծխելը դադարեցնելը նվազեցնում է ՏԻԳ-ի կամ ինսուլտի ռիսկը:
  • Սահմանափակեք խոլեսթերինն ու ճարպերը. ձեր սննդակարգում խոլեսթերինի և ճարպերի, հատկապես հագեցած և տրանս-ճարպերի քանակի կրճատումը կարող է նվազեցնել զարկերակներում վահանիկների կուտակումը::
  • Կերեք շատ մրգեր և բանջարեղեն. այս մթերքները պարունակում են այնպիսի սննդանյութեր, ինչպիսիք են կալիումը, ֆոլաթթուն և հակաօքսիդանտները, որոնք կարող են ձեզ պաշտպանել ՏԻԳ-ից կամ ինսուլտից:
  • Սահմանափակեք նատրիումը. եթե ունեք բարձր արյան ճնշում, աղի մթերքներից խուսափելը և սննդին աղ չավելացնելը կարող է նվազեցնել ձեր արյան ճնշումը: Աղից խուսափելը չի կարող կանխել բարձր արյան ճնշումը (հիպերտոնիա), սակայն նատրիումի ավելցուկը կարող է բարձրացնել արյան ճնշումն այն մարդկանց մոտ, ովքեր զգայուն են նատրիումի նկատմամբ:
  • Կանոնավոր վարժանքներ արեք. եթե ունեք բարձր արյան ճնշում, կանոնավոր վարժաներն այն սակավ միջոցներից են, որոնցով կարող եք իջեցնել ձեր ճնշումն առանց դեղամիջոցների:
  • Սահմանափակեք ալկոհոլի օգտագործումը. եթե օգտագործում եք ալկոհոլ, արեք դա միայն քիչ կամ չափավոր քանակներով: Առաջարկվող սահմանաչափը կանանց համար՝ օրական մեկ, իսկ տղամարդկանց համար՝ օրական երկու չափաբաժնից ոչ ավելի է:
  • Պահպանե՛ք առողջ քաշը.ավելորդ քաշը նպաստում է այլ ռիսկի գործոններին, ինչպիսիք են բարձր արյան ճնշումը, սրտանոթային հիվանդությունները և դիաբետը: Սննդակարգով և վարժանքներով նիհարելը կարող է նվազեցնել արյան ճնշումը և բարելավել խոլեսթերինի մակարդակը:
  • Մի՛ օգտագործեք ապօրինի թմրամիջոցներ.թմրամիջոցները, ինչպիսին է կոկաինը, կապված են ՏԻԳ-ի կամ ինսուլտի ռիսկի հետ:
  • Վերահսկեք դիաբետը. դուք կարող եք կառավարել դիաբետը և բարձր արյան ճնշումը սննդակարգի, վարժանքների, քաշի վերահսկման, իսկ անհրաժեշտության դեպքում՝ նաև դեղամիջոցների օգնությամբ:

Հոդվածը հրապարակվել է՝ 23-03-2021
Վերջին վերանայում՝ 22-04-2024