Գրադարան
Տրանզիտոր իշեմիկ գրոհ. ախտանիշներ
1 րոպե
Տրանզիտոր իշեմիկ գորհները (ՏԻԳ) սովորաբար տևում են մի քանի րոպե:
Գանգատների և ախտանիշների մեծ մասն անհետանում է մեկ ժամվա ընթացքում, թեև հազվադեպ ախտանիշները կարող են տևել մինչև 24 ժամ: ՏԻԳ-ի նշաններն ու ախտանիշները հիշեցնում են այն ախտանիշները, որոնք զարգանում են ինսուլտի վաղ շրջանում և կարող են ներառել հանկարծակի սկսվող՝
- դեմքի, ձեռքի կամ ոտքի թուլություն, թմրածություն կամ կաթված, որպես կանոն՝ մարմնի մի կողմում
- անհասկանալի, անորոշ կամ աղավաղված խոսք կամ ուրիշներին հասկանալու դժվարություն
- մեկ կամ երկու աչքերի կուրություն կամ երկտեսություն
- վերտիգո (գլխապտույտ) կամ հավասարակշռության կամ կորդինացիայի կորուստ:
Դուք կարող եք ունենալ մեկից ավելի ՏԻԳ-ներ, և կրկնվող գանգատներն ու ախտանիշները կարող են լինել նման կամ տարբեր՝ կախված նրանից, թե ուղեղի որ հատվածն է ներգրավված:
Ե՞րբ դիմել բժշկին
ՏԻԳ-երն առավել հաճախ առաջանում են ինսուլտից ժամեր կամ օրեր առաջ, ուստի հնարավոր ՏԻԳ-ի դեպքում անհապաղ բժշկական օգնության դիմելը խիստ կարևոր է: Դիմեք շտապ բուժօգնության, եթե կասկածում եք, որ դուք ունեցել եք ՏԻԳ: Արագ գնահատումը և հնարավոր բուժելի վիճակների ախտորոշումը կարող է օգնել ինսուլտի կանխարգելմանը:
Հոդվածը տեղադրվել է՝ 22-03-2021 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
