Ախտանիշներ - Տրիխոմոնոզ

Տրիխոմոնոզով մարդկանց մեծ մասը չունի գանգատներ կամ ախտանիշներ:

Այնուամենայնիվ, ախտանիշները կարող են զարգանալ ժամանակի ընթացքում: Երբ գանգատներն ու ախտանիշները զարգանում են, դրանք տարբերվում են տղամարդկանց և կանանց մոտ:

Կանանց մոտ տրիխոմոնոզի գանգատներն ու ախտանիշները ներառում են՝

• մեծ քանակությամբ ջերիկ, հաճախ՝ գարշահոտ հեշտոցային արտադրություն, որը կարող է լինել թափանցիկ, սպիտակ, մոխրագույն, դեղին կամ կանաչ
• սեռական օրգանների կարմրություն, այրոց և քոր
• ցավ միզելու կամ սեռական հարաբերության ժամանակ
• անհանգստություն (դիսկոմֆորտ) ստամոքսի ստորին հատվածում:

Տղամարդկանց մոտ տրիխոմոնոզը հազվադեպ է առաջացնում ախտանիշներ: Այնուամենայնիվ, երբ տղամարդիկ ունեն գանգատներ և ախտանիշներ, դրանք կարող են ներառել՝

• քոր կամ գրգռվածություն առնանդամի ներսում
• այրոց միզելու ժամանակ կամ սերմնաժայթքումից հետո
• արտադրություն առնանդամից:

Ե՞րբ այցելել բժշկին

Հանդիպեք ձեր բժշկին, եթե ունեք տրիխոմոնոզի որևէ ախտանիշ կամ եթե տեղյակ եք, որ ձեր սեռական զուգընկերն ունի այս վարակը: