Տրիխոմոնոզ. ախտորոշում

Տրիխոմոնոզ. ախտորոշում

Տրիխոմոնոզը կարող է ախտորոշվել կանանց հեշտոցային արտադրուկի կամ տղամարդկանց առնանդամի միզուկային բացվածքից վերցված քսուքի կամ մեզի մանրադիտակային հետազոտությամբ:

Սովորաբար տրիխոմոնոզն ախտորոշելիս որևէ այլ լրացուցիչ հետազոտության կարիք չի զգացվում: Երբեմն, եթե մանրադիտակային հետազոտությամբ չի հաջողվում նույնականացնել հարուցիչը, բժիշկը կարող է առաջարկել նաև ռապիդ հակածնային (անտիգենային) թեստ կամ նուկլեաթթուների ամպլիֆիկացիայի (ՊՇՌ մեթոդով) հետազոտություն:

Սովորաբար, եթե բժիշկը ձեզ մոտ հայտնաբերում է տրիխոմոնոզ, ապա նաև կարող է առաջանալ այլ սեռական ճանապարհով փոխանցվող հիվանդության (ՍՃՓՀ) լաբորատոր հայտնաբերման հետազոտությունների անհրաժեշտություն:

Հոդվածը վերանայվել է՝ 30-03-2021