Դուք կարող եք կանխել վիտամինային-դեֆիցիտային սակավարյունության որոշ ձևեր՝ ընտրելով առողջ սննդակարգ, որը ներառում է տարբեր մթերքներ:
Վիտամին B12-ով հարուստ մթերքները ներառում են
- տավարի միս, լյարդ, հավի միս և ձուկ
- ձու
- հարստացված մթերքներ, ինչպիսիք են նախաճաշի փաթիլները
- կաթ, պանիր և յոգուրտ (մածուն):
Ֆոլատով հարուստ սննդամթերքները ներառում են՝
- բրոկկոլի, սպանախ, ծնեբեկ և լոբի
- նարինջ, կիտրոն, բանան, ելակ և սեխ
- հարստացված հացահատիկային մթերքներ, ինչպիսիք են հացը, թեփը, մակարոնեղենը և բրինձը
- լյարդ, երիկամներ, խմորասնկային մթերքներ, սունկ և գետնանուշ:
Չափահաս մարդկանց մեծ մասին անհրաժեշտ է վիտամինների ամենօրյա հետևյալ սննդակարգային քանակները՝
- Վիտամին B12՝ 2,4 միկրոգրամ (մկգ)
- Ֆոլատ կամ ֆոլաթթու՝ 400 մկգ։
Հղի և կրծքով կերակրող կանայք կարող են պահաջել այս վիտամինների ավելի մեծ քանակներ:
Մարդկանց մեծ մասը բավարար քանակությամբ վիտամիններ է ստանում կերած մթերքներից: Բայց եթե ձեր սննդակարգը սահմանափակված է կամ ստամոքսի շրջանցման վիրահատություն եք տարել, կարող եք մուլտիվիտամին ընդունել:
Հոդվածը հրապարակվել է՝ 25-05-2021
Վերջին վերանայում՝ 22-04-2024