Բերանի չորության համախտանիշ. բուժում

Բերանի չորության համախտանիշ. բուժում

Բժշկի չորության համախտանիշի բուժումը կախված է այն առաջացնող պատճառից։

Եթե բերանի չորությունը պատճառվել է դեղերից, ապա դրանց ընդունման դադարեցումը կամ փոխարինումն այլ տեսակներով կարող է վերացնել խնդիրը։ Սակայն, ձեր նշանակումները պետք է վերանայի բժիշկը և ոչ թե դուք ինքներդ։

Ըստ անհրաժեշտության, բժիշկը նաև խորհուրդ կտա օգտագործել այնպիսի միջոցներ, որոնք ձեր բերանի խոռոչը կպահեն խոնավ և կպաշտպանեն ձեր ատամներն ու լնդերը, օրինակ՝ բերանի խոռոչի ողողումներ, խոնավացնող միջոցներ կամ «արհեստական թուք»։ Կան նաև թքագեղձերի գործունեությունը խթանող դեղեր։

Շատ կարևոր է, որ միաժամանակ բուժվեն նաև բերանի չորության հետևանքները, օրինակ՝ կանդիդոզ, ստոմատիտ կամ ատամների ու լնդերի հետ կապված խնդիրներ։ Նման դեպքերում բժիշկը կարող է ձեզ ուղեգրել ատամնաբույժի խորհրդատվության։

Դուք կարող եք նաև տանը նախաձեռնել ինքնօգնության որոշ պարզ միջոցառումներ։ Սակայն, բոլոր դեպքերում, եթե ձեր բերանի լորձաթաղանթի չորությունը մտահոգում է ձեզ, դիմեք ձեր բժշկին։

Հոդվածը վերանայվել է՝ 13-10-2021