Գրադարան
Աբսանսային ցնցումներ
1 րոպե
Աբսանսային ցնցումները ներառում են գիտակցության կարճատև, հանկարծակի «անջատումներ»:
Աբսանսային ցնցումը նախկինում հայտնի էր որպես «petit mal» (փոքր) ցնցումներ։ Սա էպիլեպսիայի մի տեսակ է՝ հիվանդություն, որի ժամանակ գլխուղեղում հանկարծակի առաջանում է էլեկտրական (նեյրոնային) ոչ նորմալ ակտիվության դրվագ, որն էլ բերում է ցնցումային նոպայի:
Աբսանսային ցնցումներն ավելի տարածված են երեխաների, քան չափահասների մոտ:
Աբսանսային ցնցում ունեցող անձը կարող է մի քանի վայրկյան դատարկ հայացք նետել տարածության մեջ: Այնուհետև նա սովորաբար արագ վերադառնում է զգոն վիճակին: Այս տեսակի ցնցումները սովորաբար չեն հանգեցնում ֆիզիկական վնասվածքի, սակայն վնասվածքը կարող է առաջանալ այն ժամանակահատվածում, երբ մարդը կորցնում է գիտակցությունը: Սա կարող է տեղ գտնել, եթե ինչ-որ մեկը մեքենա կամ հեծանիվ վարելիս ցնցում է ունենում:
Աբսանսային ցնցումները սովորաբար կարելի է վերահսկել հակացնցումային դեղամիջոցներով: Աբսանսային ցնցումներ ունեցող որոշ երեխաների մոտ նաև կարող են զարգանալ այլ ցնցումներ, ինչպիսիք են գեներալիզացված տոնիկ-կլոնիկ ցնցումները կամ միոկլոնիկ ցնցումները: Բազմաթիվ երեխաների մոտ պատանեկության շրջանում աբսանսային ցնցումներն անհետանում են:
Հոդվածը տեղադրվել է՝ 25-03-2020 վերանայվել է՝ 15-07-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
