Սուր լյարդային անբավարարությունը հաճախ առաջացնում է բարդություններ:
- Գլխուղեղում չափազանց շատ հեղուկ (գլխուղեղային այտուց). չափից շատ հեղուկը առաջացնում է ձեր գլխուղեղում ճնշման բարձրացում, որը կարող է հանգեցնել ապակողմնորոշման, ծանր հոգեկան շփոթության և ցնցումների:
- Արյունահոսություն և արյունահոսության խանգարումներ. վնասված լյարդը չի կարողանում արտադրել բավականաչափ մակարդելիության գործոններ, որոնք մասնակցում են արյան մակարդմանը: Այս վիճակի դեպքում հաճախ առաջանում է ստամոքս-աղիքային խողովակի արյունահոսություն, որը դժվար վերահսկվող վիճակ է:
- Վարակներ. սուր լյարդային անբավարարություն ունեցող մարդկանց մոտ ավելի հավանական է, որ զարգանան վարակներ, հատկապես արյան մեջ, շնչուղիներում և միզուղիներում:
- Երիկամային անբավարարություն. երիկամային անբավարարությունը հաճախ հետևում է լյարդային անբավարարությանը, հատկապես, եթե վերջինս պատճառն Ացետամինոֆենի գերդոզավորումն է, որը վնասում է ինչպես լյարդը, այնպես էլ երիկամները:
Հոդվածը հրապարակվել է՝ 07-02-2023
Վերջին վերանայում՝ 22-04-2024