Գրադարան
Սուր լյարդային անբավարարություն
1 րոպե
Սուր լյարդային անբավարարությունը լյարդի գործառույթների կորուստն է, որն առաջանում է արագ՝ օրերի կամ շաբաթների ընթացքում, սովորաբար այն մարդու մոտ, ով նախկինում չուներ լյարդային հիվանդություն:
Այն առավել հաճախ զարգանում է հեպատիտի վիրուսի կամ դեղամիջոցների պատճառով, ինչպիսին է Ացետամինոֆենը (Պարացետամոլ, Թայլենոլ և այլն): Սուր լյարդային անբավարարությունն ավելի քիչ տարածված է, քան քրոնիկ լյարդի անբավարարությունը, որն ավելի դանդաղ է զարգանում:
Սուր լյարդային անբավարարությունը, որը նաև հայտնի է որպես կայծակնային լյարդային անբավարարություն, կարող է հանգեցնել լուրջ բարդությունների, ինչպիսիք են արյունահոսությունը և ներգանգային ճնշման բարձրացումը: Սա անհետաձգելի իրավիճակ է, որը պահանջում է բուժում հիվանդանոցային պայմաններում (հոսպիտալացում):
Կախված պատճառից, սուր լյարդային անբավարարությունը երբեմն կարող է բուժման միջոցով ետ զարգանալ: Այնուամենայնիվ, բազմաթիվ իրավիճակներում լյարդի փոխպատվաստումը կարող է լինել միակ կյանքը փրկող բուժումը:
Հոդվածը տեղադրվել է՝ 09-05-2020 վերանայվել է՝ 06-11-2023 | Հիմնական աղբյուր՝ Evidence-Based Overviews
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
