Գրադարան

Տարիքային բծեր․ ախտանիշներ

Տարիքային բծեր․ ախտանիշներ

Time Read 1 րոպե

Տարիքային կամ պիգմենտային բծերը (լենտիգո) կարող են առաջանալ մաշկի բոլոր տեսակների մարդկանց մոտ, սակայն ավելի տարածված են բաց մաշկ ունեցող չափահասների շրջանում:

Ի տարբերություն պեպենների, որոնք տարածված են երեխաների մոտ և անհետանում են արևի ազդեցության բացակայությամբ, տարիքային բծերն ինքնուրույն չեն վերանում:

Տարիքային բծերը՝

  • մաշկի գերգունակավորման (հիպերպինգմենտացիայի) հարթ, ձվաձև տարածքներ են
  • սովորաբար թխագույնից մինչև մուգ շագանակագույն են
  • առաջանում են այն շրջանների մաշկի վրա, որոնք տարիների ընթացքում ամենաշատն են ենթարկվել արևի ազդեցությանը, օրինակ՝ դաստակների ետևի մաս, ոտնաթաթերի ծայրեր, դեմք, ուսեր և մեջքի վերին հատված
  • ունեն տարբեր չափեր՝ սկսած պեպենների չափսից մինչև մոտ 13 միլիմետր լայնություն
  • կարող են խմբավորվել՝ դառնալով ավելի նկատելի։

Ե՞րբ դիմել բժշկին

Տարիքային բծերը բուժում չեն պահանջում: Խնդրեք ձեր բժշկին զննել այն բծերը, որոնք սև են կամ փոխել են իրենց արտաքին տեսքը: Այս փոփոխությունները կարող են լինել մելանոմայի՝ մաշկի քաղցկեղի ծանր ձևի նշաններ:

Լավագույն տարբերակն այն է, որ ցանկացած նոր մաշկային փոփոխություն գնահատվի ձեր բժշկի կողմից, հատկապես, եթե մաշկային բիծը՝

  • սև է
  • չափերով մեծանում է
  • ունի անկանոն եզր
  • ունի գույների անսովոր համակցություն
  • արյունահոսում է:

Հոդվածը տեղադրվել է՝ 27-01-2024 վերանայվել է՝ 27-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով