Պատճառներ - Ալերգիաներ

​Ալերգիան սկսվում է, երբ ձեր իմունային համակարգը նորմալ անվնաս նյութը «շփոթում է» վտանգավոր օտարածին նյութի հետ:

Նման իրավիճակում իմունային համակարգն արտադրում է հակամարմիններ, որոնք ապահովում են տվյալ նյութի՝ ալերգենի նկատմամբ օրգանիզմի «հիշողությունը» և «զգոնությունը»: Երբ դուք կրկին ենթարկվում եք տվյալ ալերգենի ազդեցությանը, այս հակամարմինները սկսում են բաց թողնել իմունային համակարգի բազմաթիվ քիմական միացություններ, օրինակ՝ հիստամին, որոնք առաջացնում են ալերգիայի ախտանիշներ:

Ալերգիա զարգացնող ամենատարածված գործոններից են՝

• օդածին ալերգեններ՝ փոշի, կենդանիների թեփ, փոշու տիզ կամ բորբոսասնկեր
• որոշ սննդամթերքներ, օրինակ՝ գետնանուշ, ընկույզ, ցորեն, սոյա, ձուկ, խեցեմորթ, ձու և կաթ
• միջատների թույներ, օրինակ՝ առաջացած մեղվի կամ կրետի (իշամեղու) խայթոցից
• դեղեր, հատկապես՝ Պենիցիլին և դրա վրա հիմնված հակաբիոտիկներ
• լատեքս (ռետին) կամ այլ նյութեր, որոնց հպվելիս կարող են զարգանալ ալերգիկ բնույթի մաշկային ռեակցիաներ:

Ռիսկի գործոններ

Ձեզ մոտ ալերգիա զարգանալու հավանականությունը բարձրանում է, եթե դուք՝

• ունեք ալերգիաների կամ ասթմայի ընտանեկան պատմություն, ինչպիսիք են եղնջացանը կամ ատոպիկ դերմատիտը (էկզեմա)
• երեխա եք
• ունեք ասթմա կամ մեկ այլ ալերգիկ հիվանդություն: