Գրադարան
Ալերգիաներ. բուժում
1 րոպե
Թեթև ալերգիկ ռեակցիաները հաճախ որևէ բուժում չեն պահանջում, սակայն պետք է հիշել, որ ցանկացած պահի դրանք կարող են վերաաճել սուր, երբեմն նաև՝ կյանքին սպառնացող խանգարումների:
Ալերգիայի բուժումը բաղկացած է հետևյալ քայլերից:
- Ալերգենից խուսափում. բժիշկը կարող է օգնել, որ գտնեք և խուսափեք ձեր ալերգիային նպաստող գործոնները՝ ալերգենները: Ընդհանուր առմամաբ սա ալերգիկ ռեակցիաների կանխարգելման և ախտանիշների մեղմացման ամենակարևոր քայլն է:
- Դեղեր. կախված ձեր ալերգիայից, դեղամիջոցները կարող են օգնել ձեր իմունային համակարգաի ռեակցիայի թուլացմանը և ախտանիշների մեղմացմանը: Բժիշկը կարող է նշանակել առանց դեղատոմսի վաճառվող կամ դեղատոմսով դուրս գրվող հաբեր, հեղուկներ, քթային սփրեյներ, աչքի կաթիլներ և այլն:
- Իմունոթերապիա. ծանր կամ այլ բուժումներով լիարժեք չմեղմացող ալերգիաների դեպքում բժիշկը կարող է առաջարկել ալերգենային իմունաբուժում: Այս բուժումը ներառում է մաքրված ալերգենային մզվածքի ներարկումների շարք, որը սովորաբար շարունակվում է մի քանի տարվա ընթացքում: Իմունաբուժման մեկ այլ տարբերակ է ենթալեզվային հաբը, որը կարող է օգտակար լինել որոշ փոշիներից առաջացած ալերգիաները բուժելիս:
- Անհետաձգելի էպինեֆրին (ադրենալին). գերսուր կամ կայծակնային ալերգիկ ռեակցիայի դեպքում անհետաձգելի բուժօգնություն իրականացնող բժիշկը կարող է օգտագործել Էպինեֆրինի ներարկում (Աուվի-Q, ԷպիՓեն և այլն): Դրանք կարող են մեղմացնել ախտանիշները, քանի դեռ չի մեկնարկել անհետաձգելի բուժումը:
Հոդվածը տեղադրվել է՝ 09-05-2020 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
