Ալերգիկ ռեակցիաներ. կանխարգելում

Ալերգիկ ռեակցիաներ. կանխարգելում

Ալերգիկ ռեակցիաների կանխարգելումը մեծապես կախված է ձեզ մոտ զարգացող գերզգայունության տեսակից:

Ցավոք, իրականությունն այն է, որ շատ հաճախ որևէ մեկը, այդ թվում՝ դուք չգիտիք, թե ինչպիսի՞ ալերգիկ ռեակցիա կարող է զարգանալ:

Այնուամենայնիվ, կան ալերգիաներից հնարավորինս խուսափելու ընդհանուր միջոցներ:

  • Խուսափե՛ք հայտնի ալերգեններից. նույնիսկ եթե նախկինում ունեցել եք ինչ-որ հայտնի պատճառից առաջացած ալերգիկ ռեակցիա, որը հաջողությամբ բուժվել է, փորձեք ապագայում խուսափել նույն այդ ալերգենի հետ շփվելուց: Օրինակ, եթե գիտեք, որ ունեք փոշու նկատմամբ ալերգիա, փոշոտ կամ քամոտ օրերին փակ պահեք տան պատուհաններն ու դուռը: Կամ, եթե տեղյակ եք, որ ունեք ալերգիա փոշու տիզից, ավելի հաճախ փոշեծծեք և տաք ջրով լվացեք անկողնային սպիտակեղենը:
  • Հետևե՛ք ձեր առողջական վիճակին և պահեք օրագիր. երբ փորձում եք հասկանալ, թե ինչ հնարավոր պատճառներից են ձեր ալերգիկ ախտանիշները սկսվում կամ սրանում, փորձեք հետևել ձեր առօրյա գործողություններին, ընդունած սննդատեսակներին, ինչպես նաև այն մանրամասներին, թե երբ են ձեր գանգատները սկսվել և ինչն օգնեց, որ դրանք մեղմանան: Գրի առեք այս և համանման տեղեկատվությունը, որը կարող է օգնել ինչպես ձեզ, այնպես էլ ձեր բժշկին, որ միասին գտնեք ձեր ալերգիայի առաջացման բուն պատճառները և ձեռնարկեք դրանցից խուսափելու լավագույն եղանակը:
  • Կրե՛ք ալերգիկ լինելու մասին նախազգուշացնող ապարանջան (браслет). եթե հայտնվեք սուր ալերգիկ ռեակցիայի մեջ (օրինակ՝ անաֆիլաքսիա), այս տեղեկատվությունը կօգնի շտապ հրավիրված բժշկին, որ հասկանա ձեր վիճակի էությունը և հավանական պատճառը (դուք կարող եք ի վիճակի չլինել անձամբ տեղեկացնելու այդ մասին):

Հոդվածը վերանայվել է՝ 08-04-2021