Ալերգիաներ

Ալերգիաներն առաջանում են, երբ ձեր իմունային համակարգը ռեակցիա է դրսևորում օտարածին նյութերի նկատմամբ, ինչպիսիք են փոշին, մեղվի թույնը, ընտանի կենդանիների թեփը կամ որևէ սննդամթերք, որոնք մարդկանց մեծ մասի մոտ որևէ արտասովոր ռեակցիա չեն պատճառում:

Իմունային համակարգն արտադրում է նյութեր, որոնք հայտնի են որպես հակամարմիններ: Երբ դուք ունեք ալերգիա, ձեր իմունային համակարգը արտադրում է հակամարմիններ, որոնք առանձին ալերգենին ճանաչում են որպես վնասակար, նույնիսկ եթե դա այդպես չէ: Երբ շփում եք ունենում ալերգենի հետ, իմունային համակարգի ռեակցիան կարող է բորբոքել ձեր մաշկը, հարքթային ծոցերը, շնչուղիները կամ մարսողական համակարգը:

Ալերգիաների ծանրությունը տարբեր անձանց մոտ տարբեր է և կարող է դրսևորվել սկսած թեթև գրգռվածությունից մինչև կայծակնային ընթացքով անաֆիլաքսիա՝ անհետաձգելի բուժօգնություն պահանջող կյանքին սպառնացող վիճակ: Ալերգիաների մեծ մասը չունի որևէ բուժում, սակայն բուժումները կարող են օգնել ալերգիայի ախտանիշների մեղմացմանը:

Հոդվածը վերանայվել է՝ 23-01-2023